சுடச்சுட

    

    பள்ளி மாணவர்களின் உடல் எடையில் 10% மட்டுமே புத்தகப்பை எடை இருக்க வேண்டும்: சொன்னது?

    By ENS  |   Published on : 04th May 2019 12:32 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    School_bag


    பெங்களூரு: ஒவ்வொரு பள்ளி மாணாக்கரின் உடல் எடையில் சராசரியாக 10 சதவீதம் மட்டுமே பள்ளிப் புத்தகப் பையின் எடை இருக்க வேண்டும் என்று கர்நாடக அரசு உத்தரவிட்டுள்ளது.

    துவக்க மற்றும் உயர்நிலைப் பள்ளிகளுக்கு கர்நாடக பள்ளிக் கல்வித் துறை அனுப்பியிருக்கும் சுற்றறிக்கையில், பள்ளிப் பாடப் புத்தகங்களின் பையின் எடை குறித்துத் தெளிவாக விளக்கப்பட்டுள்ளது. 

    அதாவது ஒன்று மற்றும் இரண்டாம் வகுப்புப் படிக்கும் மாணவர்களின் பாடப்புத்தகப் பை 1.5 அல்லது 2 கிலோவுக்கு மிகாமலும், 3 மற்றும் 4, 5வது படிக்கும் மாணவர்களின் பாடப்புத்தகப் பையின் எடை 2 முதல் 3 கிலோவுக்கு மிகாமலும் இருக்க வேண்டும் என்று அறிவுறுத்தப்பட்டுள்ளது.

    6 - 8ம் வகுப்பு மாணவர்களின் பாடப்புத்தகப் பை 3 - 4 கிலோவும், 9-10ம் வகுப்புக்கு 5 கிலோவும் இருக்கலாம்.

    பள்ளி மாணவர்களின் புத்தகப் பை சுமையைக் குறைக்க வேண்டும் என்று பல்வேறு தரப்பில் இருந்து கோரிக்கைகள் வந்ததை அடுத்து பள்ளிக் கல்வித்துறை இந்த அறிக்கையை அனுப்பியுள்ளது.

    அது மட்டுமில்லாமல் 1 மற்றும் 2ம் வகுப்பு மாணவர்களுக்கு வீட்டுப்பாடம் கொடுக்கக் கூடாது, ஒவ்வொரு மாதமும் 3வது சனிக்கிழமை புத்தகப்பை இல்லாமல் மாணவர்களை பள்ளிக்கு வரவழைக்க வேண்டும். அன்று இதர விளையாட்டு, திறன் வளர்ப்பில் ஈடுபட வேண்டும் என்றும் வலியுறுத்தப்பட்டுள்ளது.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai