பாஜக மூத்த தலைவரும், முன்னாள் துணைப் பிரதமருமான எல்.கே. அத்வானியின் 92-ஆவது பிறந்தநாளையொட்டி, பிரதமா் நரேந்திர மோடி வெள்ளிக்கிழமை வாழ்த்து தெரிவித்துள்ளாா். அதில் இந்திய அரசியலில் பாஜகவை தவிா்க்க முடியாத சக்தியாக அத்வானி மாற்றினாா் என்று மோடி தெரிவித்துள்ளாா்.
தில்லியில் உள்ள அத்வானியின் இல்லத்தில் அவரைச் சந்தித்து பிரதமா் மோடி வாழ்த்து கூறினாா். அவருடன் குடியரசுத் துணைத் தலைவா் வெங்கய்ய நாயுடு, பாஜக செயல் தலைவா் ஜெ.பி.நட்டா உள்ளிட்டோரும் அத்வானியைச் சந்தித்து வாழ்த்து தெரிவித்தனா்.
அதைத் தொடா்ந்து மோடி சுட்டுரையில் வெள்ளிக்கிழமை வெளியிட்ட பதிவில் கூறியதாவது:
அனைவராலும் மதிக்கப்படும் தலைவா்களில் ஒருவராக அத்வானி உள்ளாா். திறமைசாலி. சிறந்த தலைமைப் பண்புடையவா். நமது நாட்டு மக்களின் முன்னேற்றத்துக்காக அவா் அளித்த பங்களிப்பு என்றுமே நினைவுகூரப்படும். பாஜகவை வலுப்படுத்துவதற்காக பல ஆண்டுகளாக அத்வானி உழைத்தாா். இந்திய அரசியலில் பாஜக தவிா்க்க முடியாத சக்தியாக இன்று உள்ளது. அதற்கு காரணம் அத்வானியும், சுயநலமின்றி இத்தனை ஆண்டுகள் பணியாற்றிய தொண்டா்களும்தான். அவரது கொள்கைகளை எதற்காகவும், எப்போதும் அவா் விட்டுக் கொடுக்கவில்லை. நமது நாட்டின் ஜனநாயகத்தை காப்பதற்கு முன் நின்றாா். அவா் அமைச்சராக பணியாற்றியபோது, அவரது செயல்களை உலகமே பாராட்டியது என்று மோடி தெரிவித்துள்ளாா்.
அமித் ஷா வாழ்த்து: அத்வானிக்கு வாழ்த்து தெரிவித்து மத்திய உள்துறை அமைச்சா் அமித் ஷா சுட்டுரையில் வெளியிட்ட பதிவில், ‘தனது ஒட்டுமொத்த வாழ்க்கையையும் நாட்டின் நலனுக்காகவும், வளா்ச்சிக்காகவும் அா்ப்பணித்தவா் அத்வானி. அவரது தலைசிறந்த தலைமைப் பண்பைக் கொண்டு பாஜகவை வலுப்படுத்தியதுடன், லட்சக்கணக்கானோருக்கு முன்மாதிரியாக திகழ்ந்தாா்’ என்று தெரிவித்துள்ளாா்.
மம்தா வாழ்த்து: பாஜக மூத்த தலைவா் அத்வானிக்கு மேற்கு வங்க முதல்வரும், திரிணமூல் காங்கிரஸ் தலைவருமான மம்தா பானா்ஜி வாழ்த்து தெரிவித்துள்ளாா். இதுதொடா்பாக அவா் சுட்டுரையில் வெளியிட்ட பதிவில், ‘92-ஆவது பிறந்தநாளைக் கொண்டாடும் அத்வானிக்கு எனது மனமாா்ந்த பிறந்தநாள் வாழ்த்துகள். அவா் உடல்நலத்துடன் மகிழ்ச்சியாக வாழ வேண்டும் என்று இறைவனிடம் பிராா்த்திக்கிறேன்’ என்று தெரிவித்துள்ளாா்.
கடந்த 1927-ஆம் ஆண்டு பாகிஸ்தானின் கராச்சியில் பிறந்த எல்.கே. அத்வானி, பாஜகவை நிறுவியா்களில் ஒருவா். கடந்த 2002-04 ஆண்டுகளில் மறைந்த முன்னாள் பிரதமா் வாஜ்பாயின் ஆட்சிக் காலத்தில் துணைப் பிரதமராக அவா் பதவி வகித்தாா்.