காங்கிரஸ் மூத்த தலைவர் பி.சி. சர்மாவுக்கு கரோனா தொற்று உறுதி

போபால்: காங்கிரஸ் மூத்த தலைவர் பி.சி. சர்மாவுக்கு கரோனா தொற்று பாதிப்பு உறுதி செய்யப்பட்டுள்ளது. இதையடுத்து தன்னுடன் நெருங்கிய தொடர்பில் இருந்தவர்களை தனிமைப்படுத்திக்கொள்ளுமாறு கேட்டுக்கொண்டுள்ளார். 

இதுகுறித்து அவர் தனது டிவிட்டர் பக்க பதிவில், எனக்கு கரோனா தொற்று பரிசோதனை செய்ததில் தொற்று உறுப்பது சனிக்கிழமை உறுதி செய்யப்பட்டுள்ளது. இதையடுத்து நான் சிராயு மருத்துவமனையில் அனுமதிக்கப்பட்டு சிகிச்சை பெற்று வருவதாகவும், தற்போது தான் ஆரோக்கியமாக இருப்பதாகவும் தெரிவித்துள்ளார்.

மேலும், என்னுடன் தொடர்பில் இருந்த அனைவரும் தயவு செய்து கரோனா தொற்று பரிசோதனை செய்துகொண்டு தங்களைத் தனிமைப்படுத்திக் கொள்ளுமாறு வேண்டுகோள் விடுத்துள்ளார். 

கரோனா தொற்று பரவலை கட்டுப்படுத்த அரசு தவறிவிட்டது. மருத்துவமனைகலில் கரோனா நோயாளிகளுக்கு படுக்கைகள் இல்லை. மாநிலத்தின் நிலைமை கவலைக்குரியது மற்றும் துரதிர்ஷ்டவசமானது. இப்போது மாநிலத்தில் கரோனா சமூக பரவலை நோக்கிச் செல்கிறது. இருந்தபோதிலும், பாஜக நடத்திய பேரணிகள் மற்றும் கூட்டங்கள் காரணமாக கரோனா தொற்று பரவுகிறது என்று  சர்மா குற்றம் சாட்டியுள்ளார்.