மகாராஷ்டிரத்தில் இன்று (ஞாயிற்றுக்கிழமை) புதிதாக 12,248 பேருக்கு கரோனா வைரஸ் நோய்த் தொற்று இருப்பது உறுதி செய்யப்பட்டுள்ளது.
மகாராஷ்டிர கரோனா பாதிப்பு நிலவரம் பற்றிய செய்திக் குறிப்பு வெளியாகியுள்ளது. இதன்படி, அங்கு புதிதாக 12,248 பேருக்கு தொற்று இருப்பது கண்டறியப்பட்டுள்ளது. மேலும் 390 பேர் பலியாகியுள்ளனர். அதேசமயம் 13,348 பேர் குணமடைந்து வீடு திரும்பியுள்ளனர்.
இதைத் தொடர்ந்து அங்கு மொத்தம் பாதித்தோர் எண்ணிக்கை 5,15,332 ஆக உயர்ந்துள்ளது. இதில் 3,51,710 பேர் குணமடைந்துள்ளனர். 17,757 பேர் பலியாகியுள்ளனர். இன்றைய தேதியில் அங்கு 1,45,558 பேர் சிகிச்சை பெற்று வருகின்றனர்.
தாராவி:
ஆசியாவின் மிகப் பெரிய குடிசைப் பகுதியான மும்பை தாராவிப் பகுதியில் புதிதாக 5 பேருக்கு தொற்று இருப்பது கண்டறியப்பட்டுள்ளது. இதைத் தொடர்ந்து தாராவியில் மட்டும் மொத்தம் பாதித்தோர் எண்ணிக்கை 2,617 ஆக உயர்ந்துள்ளது. இன்றைய தேதியில் 88 பேர் சிகிச்சை பெற்று வருகின்றனர்.