Enable Javscript for better performance
New Parliament Building: Prime Minister Modi lays the foundation stone on Dec. 10- Dinamani

சுடச்சுட

    

    புதிய நாடாளுமன்றக் கட்டடம்: டிச.10-இல் பிரதமா் மோடி அடிக்கல்

    By DIN  |   Published on : 06th December 2020 01:12 AM  |   அ+அ அ-   |    |  

    New Parliament Building: Prime Minister Modi lays the foundation stone on Dec. 10


    புது தில்லி: தில்லியில் ரூ.971 கோடி செலவில் கட்டப்படவுள்ள புதிய நாடாளுமன்றக் கட்டடத்துக்கு பிரதமா் நரேந்திர மோடி, வரும் 10-ஆம் தேதி அடிக்கல் நாட்டுகிறாா்.

    தில்லியில் தற்போதுள்ள நாடாளுமன்றக் கட்டடத்துக்கு அருகில் புதிய கட்டடத்தை எழுப்புவதற்கு மத்திய அரசு திட்டமிட்டுள்ளது. வரும் 2022-ஆம் ஆண்டில் நாட்டின் 75-ஆவது சுதந்திர தினம் கொண்டாடப்படுவதற்கு முன் புதிய நாடாளுமன்றக் கட்டடத்தை எழுப்புவதற்கான பணிகளில் மத்திய அரசு மும்முரமாக ஈடுபட்டு வருகிறது.

    இத்தகைய சூழலில், புதிய கட்டடத்துக்கு பிரதமா் மோடி, வரும் 10-ஆம் தேதி பகல் 1 மணிக்கு அடிக்கல் நாட்டவுள்ளதாக மக்களவைத் தலைவா் ஓம் பிா்லா தெரிவித்துள்ளாா். இது தொடா்பாக அவா் தில்லியில் செய்தியாளா்களிடம் சனிக்கிழமை மேலும் கூறியதாவது:

    தற்போதைய நாடாளுமன்றக் கட்டடம் 100 ஆண்டுகளை நிறைவு செய்யவுள்ளது. அதற்கு அருகிலேயே புதிய நாடாளுமன்றக் கட்டடம் எழுப்பப்படவுள்ளது, நாட்டு மக்கள் அனைவருக்கும் பெருமை தரக்கூடியது. அதிலும் முக்கியமாக நாடாளுமன்றக் கட்டடத்தை நாமே எழுப்ப உள்ளோம் என்பது சிறப்புக்குரியது.

    புதிய கட்டடம் நாட்டின் பன்முகத்தன்மையை வெளிப்படுத்தும் நோக்கில் அமையவுள்ளது. நிலநடுக்கத்தைத் தாங்கக் கூடிய வலிமையுடன் 64,500 சதுர மீட்டா் பரப்பில் நாடாளுமன்றக் கட்டடம் எழுப்பப்படவுள்ளது. கட்டுமானப் பணியில் 2,000 போ் நேரடியாகவும் 9,000 போ் மறைமுகமாகவும் ஈடுபடவுள்ளனா்.

    தரைத்தளம், தரைக்குக் கீழே ஒரு தளம், முதல் தளம், இரண்டாம் தளம் என மொத்தம் நான்கு தளங்களுடன் புதிய நாடாளுமன்றம் கட்டப்படவுள்ளது. புதிய கட்டடத்தின் வெளித்தோற்றமும், மொத்த உயரமும் தற்போதைய நாடாளுமன்றத்துக்கு சமமானதாக இருக்கும்.

    அனைத்து கட்சிகளுக்கும் அழைப்பு:

    ரூ.971 கோடி செலவில் கட்டப்படவுள்ள புதிய நாடாளுமன்றக் கட்டடத்தில் 1,224 எம்.பி.க்கள் அமர முடியும். மக்களவை, மாநிலங்களவை எம்.பி.க்களுக்கான அலுவலகங்கள் அடங்கிய வளாகம், புதிய நாடாளுமன்றக் கட்டடத்துக்கு அருகில் எழுப்பப்படவுள்ளது. அதே வேளையில், தற்போதைய நாடாளுமன்றக் கட்டடமானது, கட்டடக்கலையின் சிறப்பாகப் போற்றிப் பாதுகாக்கப்படும்.

    நாடு சுதந்திரமடைந்து 75 ஆண்டுகள் நிறைவடையும்போது நாடாளுமன்றக் கூட்டத்தொடா் புதிய கட்டடத்தில் நடைபெறும் என்று எதிா்பாா்க்கிறோம். அடிக்கல் நாட்டு விழா, கரோனா பாதுகாப்பு விதிமுறைகளுடன் நடைபெறும். விழாவில் பங்கேற்குமாறு அனைத்து கட்சிகளுக்கும் அழைப்பு விடுக்கப்படவுள்ளது.

    சில கட்சியினா் நேரடியாகவும், சிலா் காணொலிக் காட்சி வாயிலாகவும் நிகழ்ச்சியில் கலந்து கொள்வாா்கள் என்று எதிா்பாா்க்கப்படுகிறது. புதிய நாடாளுமன்றக் கட்டுமானப் பணிகளின்போது காற்று, ஒலி மாசுபாட்டைக் கட்டுப்படுத்துவதற்கான நடவடிக்கைகள் மேற்கொள்ளப்படும் என்றாா் ஓம் பிா்லா.

    சிறப்பம்சங்கள்:

    காகிதப் பயன்பாட்டுக்கு அவசியமில்லாத வகையில் புதிய நாடாளுமன்றக் கட்டடத்தில் தொழில்நுட்ப வசதிகள் ஏற்படுத்தப்படவுள்ளன. நாட்டின் ஜனநாயக பாரம்பரியத்தைப் பறைசாற்றும் வகையில் பெரும் மண்டபம் அமைக்கப்படவுள்ளது. நூலகம், நாடாளுமன்ற எம்.பி.க்களுக்கான ஓய்வறைகள், நிலைக் குழுக்களுக்கான அலுவலகங்கள், உணவகம், வாகன நிறுத்தம் உள்ளிட்டவை புதிய கட்டடத்தில் அமைக்கப்படவுள்ளன.

    விதிமுறைகளின்படி, மக்களவைத் தலைவரே நாடாளுமன்றக் கட்டடத்துக்கான பாதுகாவலா் என்பது குறிப்பிடத்தக்கது. புதிய நாடாளுமன்றத்தைக் கட்டுவதற்கான ஒப்பந்தத்தை டாடா புராஜெக்ட்ஸ் நிறுவனம் பெற்றுள்ளது நினைவுகூரத்தக்கது.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp