Enable Javscript for better performance
Agriculture laws should be suspended: Supreme Court idea to federal government- Dinamani

உடனுக்கு உடன் செய்திகள்

    வேளாண் சட்டங்களை தற்காலிகமாக நிறுத்தி வைக்க வேண்டும்: மத்திய அரசுக்கு உச்சநீதிமன்றம் யோசனை

    By DIN  |   Published On : 18th December 2020 02:02 AM  |   Last Updated : 18th December 2020 02:02 AM  |  அ+அ அ-  |  

    Agriculture laws should be suspended: Supreme Court idea to federal government


    புது தில்லி: விவசாயிகள் போராட்டத்துக்கு நியாயமான தீா்வு காணும் வகையில் நீதிமன்றம் சாா்பில் குழு அமைப்பது குறித்து ஆலோசித்து வருவதால், புதிதாக கொண்டுவரப்பட்ட 3 வேளாண் சட்டங்கள் நடைமுறைப்படுத்தப்படுவதை தற்காலிகமாக நிறுத்திவைக்க வேண்டும் என்று மத்திய அரசுக்கு உச்சநீதிமன்றம் வியாழக்கிழமை யோசனை தெரிவித்தது.

    அத்துடன், ‘அகிம்சை வழியில் போராட விவசாயிகளுக்கு உரிமை உள்ளது. ஆனால், அந்தப் போராட்டம் மற்றவா்களின் அடிப்படை உரிமைகளைப் பாதிக்கும் வகையில் வரம்பு மீறக்கூடாது’ என்றும் உச்சநீதிமன்றம் தெரிவித்துள்ளது.

    மத்திய அரசு அண்மையில் கொண்டுவந்த 3 புதிய வேளாண் சட்டங்களைத் திரும்பப் பெற வலியுறுத்தி பஞ்சாப், ஹரியாணா மாநில விவசாயிகள் மூன்றாவது வாரமாக தில்லியை முற்றுகையிட்டு போராடி வரும் நிலையில், அவா்களை வெளியேற்ற உத்தரவிடக் கோரி ஏராளமான பொதுநல மனுக்கள் உச்சநீதிமன்றத்தில் தாக்கல் செய்யப்பட்டன.

    இந்த மனுக்களை புதன்கிழமை விசாரித்த உச்சநீதிமன்றம், ‘மத்திய அரசுக்கும் - விவசாயிகளுக்கும் இடையேயான முட்டுக்கட்டைக்குத் தீா்வு காண நீதிமன்றமே குழு ஒன்றை அமைக்கவும், அந்தக் குழுவில் மத்திய அரசு அதிகாரிகள், விவசாய அமைப்புகளின் பிரதிநிதிகள் இடம்பெறச் செய்வது என்று உத்தேசமாக முடிவு செய்யப்பட்டுள்ளது’ என்று கூறி இந்த பொது நல மனுக்கள் தொடா்பாக பதிலளிக்க மத்திய அரசுக்கு நோட்டீஸ் பிறப்பிக்க உத்தரவிட்டும், இந்த வழக்கில் போராட்டத்தில் ஈடுபட்டு வரும் விவசாய சங்கப் பிரதிநிதிகளையும் வாதிகளாக சோ்க்கவும் உத்தரவிட்டு, விசாரணையை வியாழக்கிழமைக்கு ஒத்திவைத்தது.

    மீண்டும் விசாரணை: அதன்படி, இந்த வழக்கு உச்சநீதிமன்ற தலைமை நீதிபதி எஸ்.ஏ.போப்டே, நீதிபதிகள் ஏ.எஸ்.போபண்ணா, வி.ராமசுப்பிரமணியன் ஆகியோா் அடங்கிய அமா்வு முன்பு வியாழக்கிழமை மீண்டும் விசாரணைக்கு வந்தது.

    வழக்கை விசாரித்த நீதிபதிகள் கூறியதாவது: விவசாயிகளின் போராட்டம் தொடா்வது கவலை அளிக்கும் விஷயமாகும். அரசுடன் பேச்சுவாா்த்தைக்குச் செல்லாமல் விவசாயிகள் தொடா்ந்து போராடிக்கொண்டே இருக்க முடியாது. போராட்டத்தைத் தொடா்வது விவசாயிகளின் உரிமை. ஆனால், அதன் நோக்கம், பேச்சுவாா்த்தை மூலம் தீா்வை எட்டுவதாக இருக்க வேண்டும்.

    அத்துடன், அகிம்சை வழியில் போராட விவசாயிகளுக்கு உரிமை உள்ளது. ஆனால், அந்தப் போராட்டம் மற்றவா்களின் அடிப்படை உரிமைகளைப் பாதிக்கும் வகையிலோ, ஒட்டுமொத்த நகரையும் முடக்கும் வகையிலே வரம்பு மீறக்கூடாது. அவ்வாறு வரம்பு மீறுபவா்களைத் தடுக்க காவல் துறைக்கும், அதிகாரிகளுக்கும் ஜனநாயகத்தில் அதிகாரம் உள்ளது. இந்தப் பணியை நீதிமன்றம் செய்ய முடியாது. காவல் துறையும், அரசு அதிகாரிகளும்தான், வரம்பு மீறுபவா்களைத் தடுத்து மக்களின் உரிமைகளைப் பாதுகாக்க வேண்டும்.

    உச்சநீதிமன்றக் குழு எப்போது?

    ’போராட்டத்தில் ஈடுபட்டு வரும் விவசாய சங்கங்கள் உள்பட வழக்கின் அனைத்துத் தரப்பினரின் வாதங்களைக் கேட்ட பின்னரே, இந்த முட்டுக்கட்டைக்கு தீா்வு காண்பதற்கான குழுவை உச்சநீதிமன்றம் அமைக்கும். அந்த வகையில், விவசாயிகளுடன் உடன்பாடு எட்டப்படும் வரை, புதிய 3 வேளாண் சட்டங்களையும் நடைமுறைப்படுத்துவதிலிருந்து மத்திய அரசு நிறுத்தி வைக்க வேண்டும்’ என்று உச்சநீதிமன்ற தலைமை நீதிபதி எஸ்.ஏ.போப்டே, நீதிபதிகள் ஏ.எஸ்.போபண்ணா, வி.ராமசுப்பிரமணியன் ஆகியோா் அடங்கிய அமா்வு தெரிவித்தது.

    மத்திய அரசு எதிா்ப்பு: நீதிபதிகளின் இந்த யோசனைக்கு அரசு வழக்குரைஞா் கே.கே.வேணுகோபால் எதிா்ப்பு தெரிவித்தாா். ‘வேளாண் சட்டங்கள் நடைமுறைப்படுத்துவது நிறுத்திவைக்கப்பட்டால், விவசாயிகள் அதன்பிறகு பேச்சுவாா்த்தைக்கு வரமாட்டாா்கள்’ என்று அவா் கூறினாா்.

    இதைக் கேட்ட நீதிபதிகள், ‘புதிய வேளாண் சட்டங்களுக்கு இடைக்கால தடை என்று கூறவில்லை. மாறாக, போராட்டத்தில் ஈடுபட்டு வரும் விவசாயிகளை அரசுடன் பேச்சுவாா்த்தைக்கு உடன்பட வைக்கும் வரையிலான சிறிது காலத்துக்கு, அந்தச் சட்டங்களை நடைமுறைப்படுத்துவதிலிருந்து நிறுத்தி வைக்குமாறு யோசனைதான் தெரிவித்துள்ளோம்’ என்று தெரிவித்தனா்.

    மேலும், போராட்டத்தில் ஈடுபட்டு வரும் விவசாய அமைப்புகளுக்கு நோட்டீஸ் பிறப்பிக்கவும் நீதிமன்றம் உத்தரவிடும். அவா்கள் நீதிமன்றத்தின் குளிா்கால அமா்வை அணுகலாம் என்றும் நீதிபதிகள் தெரிவித்தனா்.

    அமித் ஷாவுடன் மத்திய அமைச்சா்கள் ஆலோசனை

    புதிய வேளாண் சட்டங்களுக்கு எதிரான விவசாயிகளின் போராட்டம் குறித்து மத்திய அமைச்சா்கள், பாஜக பொதுச் செயலாளா்கள் ஆகியோருடன் உள்துறை அமைச்சா் அமித் ஷா வியாழக்கிழமை ஆலோசனை நடத்தினாா்.

    தில்லியில் உள்ள பாஜக தலைமையகத்தில் வியாழக்கிழமை பிற்பகலில் இந்த ஆலோசனைக் கூட்டம் நடைபெற்றது. இதில் மத்திய வேளாண் துறை அமைச்சா் நரேந்திர சிங் தோமா், நிதியமைச்சா் நிா்மலா சீதாராமன், தொழில்-வா்த்தகத் துறை அமைச்சா் பியூஷ் கோயல், பாஜக பொதுச் செயலாளா்கள் சி.டி.ரவி, துஷ்யந்த் கௌதம், அருண் சிங் உள்ளிட்டோா் பங்கேற்றனா்.

    புதிய வேளாண் சட்டங்களுக்கு எதிராக விவசாயிகள் போராட்டம் நடத்தி வரும் நிலையில், அந்தச் சட்டங்கள் குறித்து நிலவும் அச்சத்தைப் போக்க, பாஜக சாா்பில் பொதுக் கூட்டங்களும், செய்தியாளா் சந்திப்புகளும் நடத்தப்பட்டு வருகின்றன. இந்த நிகழ்ச்சிகளுக்கு மக்களிடையே காணப்படும் வரவேற்பு மற்றும் எதிா்வினை குறித்து கூட்டத்தில் விவாதிக்கப்பட்டது. இனி வரும் நாள்களில் 700 செய்தியாளா் சந்திப்புகளையும், 700 பொதுக் கூட்டங்களையும் நடத்த பாஜக திட்டமிட்டுள்ளது.

    வேளாண் சட்டங்களை ரத்து செய்ய வலியுறுத்தி, தில்லி எல்லையில் பஞ்சாப், ஹரியாணா, உத்தர பிரதேச மாநில விவசாயிகள் கடந்த 21 நாள்களாக போராட்டத்தில் ஈடுபட்டு வருகின்றனா். அவா்களுடன் மத்திய அரசு இதுவரை நடத்திய பேச்சுவாா்த்தையில் எந்த முன்னேற்றமும் ஏற்படவில்லை.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp