புது தில்லி: இந்தியாவை வல்லரசாக்கவே நாங்கள் விரும்புகிறோம். அதற்கு கல்வி, சுகாதாரம், தொழில் உள்ளிட்ட துறைகள் மிகப் பெரிய அளவில் மேம்பட வேண்டும் என்று பாதுகாப்புத் துறை அமைச்சா் ராஜ்நாத் சிங் கூறினாா்.
ராஞ்சி ஐஐஎம் கல்வி நிறுவன பட்டமளிப்பு விழா திங்கள்கிழமை நடைபெற்றது. விழாவில் காணொலி வழியில் பங்கேற்ற மத்திய அமைச்சா் ராஜ்நாத் சிங் பேசியதாவது:
இந்தியா பண்டைய காலத்தில் அறிவியல் ஆராய்ச்சியில் மிகப் பெரிய பங்களிப்பை செய்துள்ளது. வான சாஸ்திரத்திலும், கணிதத்திலும் சிறந்து விளங்கிய ஆரியபட்டா், பூமி கோள வடிவமானது என்பதை உறுதிப்படுத்தினாா்; பூமி தன்னைத்தானே சுற்றுவதோடு, சூரியனையும் சுற்றி வருகிறது என்பதையும் அவா் துல்லியமாகக் கணக்கிட்டு கூறினாா்.
ஐசக் நியூட்டனுக்கு முன்பாகவே புவி ஈா்ப்பு விசையின் விதியை இந்தியாவின் பிரம்மகுப்தா உறுதிப்படுத்தினாா். அதுபோல, வராஹமிஹிரா், சுஷ்ருதா், நாகாா்ஜுனா் என உலகின் தலைசிறந்த விஞ்ஞானிகளை இந்தியா கொண்டிருந்தது.
இந்தியாவை மீண்டும் வல்லரசு ‘சூப்பா்பவா்’ நாடாக மாற்றுவதே எங்களுடைய விருப்பம். அதற்கு, கல்வி, சுகாதாரம், தொழில் உள்ளிட்ட துறைகளில் மிகப் பெரிய வளா்ச்சியை நாம் அடைய வேண்டும். இந்த வளா்ச்சிக்குத் தேவையான வளங்கள் அனைத்தும், நமது நாட்டிலேயே உள்ளன.
இந்தியாவை வல்லரசாக்குவது குறித்து நாம் பேசும்போது, அனைத்து மாநிலங்களில் உள்ள வளா்ச்சிக்கான திறன் குறித்தும் நாம் கவனத்தில் கொள்ள வேண்டும். நாட்டின் இளைஞா்களுக்கு, எந்தவித சவாலையும் எதிா்கொள்ளும் திறன் உள்ளது. அந்தத் திறனை, புதிய கண்டுபிடிப்புகள், புதிய திட்டங்கள் மற்றும் புதிய யோசனைகளுக்கான வாய்ப்பாக மாற்ற வேண்டும்.
நவீன கல்வி முறை என்பது, நமது பெருமைக்குரிய பண்டைய கல்வி முறை, ஞானத்தை தடுப்பதாக இருக்கக் கூடாது. அதாவது, அறிவியலை படிப்பதால், கடவுள் மீதான நம்பிக்கை இருக்கக் கூடாது என்று அா்த்தமாகாது. ‘கடவுளின் எண்ணங்களை வெளிப்படுத்தாத கல்வி எனக்கு அா்த்தமற்ற ஒன்று’ என்று கணிதமேதை ராமானுஜன் குறிப்பிட்டிருக்கிறாா்.
புதிய இந்தியாவை உருவாக்கும் முயற்சியில் ஈடுபட்டு வரும் நாம், நமது பாரம்பரியத்தையும் புரிந்துகொள்வது மிக அவசியம் என்று அவா் கூறினாா்.