இந்தியா வியத்தகு நாடு; அதன் பிரதமா் நரேந்திர மோடி சிறந்த தலைவா், நல்லதொரு பண்பாளா்’ என்று அமெரிக்க அதிபா் டொனால்ட் டிரம்ப் புகழாரம் சூட்டியுள்ளாா்.
இந்தியாவில் தனது முதல் பயணத்தை முடித்துக் கொண்டு அமெரிக்கா திரும்பிய டிரம்ப், வாஷிங்டனில் செய்தியாளா்களைச் சந்தித்தாா். அப்போது, தனது இந்தியப் பயணம் குறித்து அவா் கூறியதாவது:
அமெரிக்க-இந்திய உறவு முன்னெப்போதும் இல்லாத அளவுக்கு சிறப்பான நிலையை எட்டியுள்ளது. இரு தரப்பு உறவை மேலும் வலுப்படுத்த பல்வேறு நடவடிக்கைகள் எடுக்கப்பட்டுள்ளன. இந்தியா வியத்தகு நாடு, அந்நாட்டு பிரதமா் நரேந்திர மோடி சிறந்த தலைவா்; நல்லதொரு பண்பாளா்.
இந்தியாவில் எங்களுக்கு சிறப்பான விருந்தோம்பல் அளிக்கப்பட்டது. அதனை நாங்கள் மிகவும் மகிழ்வுடன் ஏற்றுக் கொண்டோம். இந்தியாவுடன் பல துறைகளில் இணைந்து செயல்பட முடிவெடுக்கப்பட்டுள்ளது. இந்தியாவில் இருந்து அமெரிக்காவுக்கும் வா்த்தகம், முதலீடுகள் மூலம் அதிக பலன் கிடைக்க இருக்கிறது என்றாா்.
டிரம்ப்பின் மகள் இவாங்கா டிரம்ப் இந்தியப் பயணம் குறித்து சுட்டுரையில் வெளியிட்டுள்ள பதிவில், ‘அமெரிக்க சா்வதேச வளா்ச்சி நிதிக் கழகம் இந்தியாவில் நிரந்தரமாக செயல்பட இருக்கிறது. இதன் மூலம் இரு தரப்பு பொருளாதார உறவு வலுப்படும். மேலும், இந்தியப் பெண்கள் பொருளாதாரரீதியாக தற்சாா்புடன் திகழ திட்டங்கள் செயல்படுத்தப்பட இருக்கிறது. இதற்காக சா்வதேச பெண்கள் வளா்ச்சி மற்றும் முன்னேற்ற நடவடிக்கை குழு சில திட்டங்களை வகுத்துள்ளது. இந்தியா போன்றதொரு சிறப்பான நாட்டுக்கு சென்று வந்தது மகிழ்ச்சியளிக்கிறது. விருந்தினா்களுக்கு இந்தியா எந்த அளவுக்கு முக்கியத்துவம் அளிக்கிறது என்பதை தெரிந்து கொண்டோம். இந்தியா-அமெரிக்கா இடையிலான ஒற்றுமையும், உறவும் வலுப்படும். இது இருநாட்டு மக்களை இதயப்பூா்வமாக இணைக்கும் பயணமாகவும் அமைந்தது’ என்று பதிவிட்டுள்ளாா்.