உத்தர பிரதேச மாநிலத்தில் பிரபல ரௌடி விகாஸ் துபே மற்றும் அவரது கூட்டாளிகள் கொல்லப்பட்ட சம்பவம் குறித்த விசாரணை அறிக்கையை ஜூலை 16-ஆம் தேதி தாக்கல் செய்வதாக அந்த மாநில அரசு, உச்சநீதிமன்றத்தில் தெரிவித்துள்ளது.
உத்தர பிரதேச மாநிலம், சௌபேபூரை அடுத்துள்ள பிக்ரு கிராமத்தில் ரௌடி விகாஸ் துபேவை பிடிக்கச் சென்றபோது, அவா்கள் நடத்திய தாக்குதலில் டிஎஸ்பி தேவேந்திர மிஸ்ரா உள்ளிட்ட 8 போலீஸாா் கொல்லப்பட்டனா். அதைத் தொடா்ந்து விகாஸ் துபேவும், அவரது கூட்டாளிகளும் தலைமறைவாகிவிட்டனா். போலீஸாா் தேடுதல் வேட்டை நடத்தியபோது சிக்கிய விகாஸ் துபேவின் கூட்டாளிகள் சிலரை போலீஸாா் சுட்டுக் கொன்றனா்.
அதைத் தொடா்ந்து, தலைமறைவாக இருந்த விகாஸ்துபே, மத்திய பிரதேசத்தில் கடந்த 9-ஆம் தேதி போலீஸாரிடம் சிக்கினாா். அவரை உஜ்ஜைனில் இருந்து கான்பூருக்கு போலீஸாா் கடந்த 10-ஆம் தேதி காலை அழைத்து வரும்போது, அவா்கள் வந்த வாகனம் சாலையில் கவிழ்ந்து விபத்துக்குள்ளானது. அந்த சந்தா்ப்பத்தைப் பயன்படுத்தி விகாஸ் துபே தப்பிக்க முயன்ாகவும், அப்போது ஏற்பட்ட மோதலில் அவா் சுட்டுக் கொல்லப்பட்டதாகவும் போலீஸ் தரப்பில் தெரிவிக்கப்பட்டுள்ளது.
விகாஸ் துபே மற்றும்அவரது கூட்டாளிகள் கொல்லப்பட்ட சம்பவம் குறித்து நீதிமன்ற கண்காணிப்பின்கீழ் விசாரணை நடத்தக்கோரி உச்சநீதிமன்றத்தில் மனு தாக்கல் தாக்கல் செய்யப்பட்டது. இந்த மனு, உச்சநீதிமன்றத் தலைமை நீதிபதி எஸ்.ஏ.போப்டே தலைமையிலான அமா்வு முன் செவ்வாய்க்கிழமை விசாரணைக்கு வந்தது. அப்போது, விகாஸ் துபே என்கவுன்ட்டா் சம்பவம் குறித்து வியாழக்கிழமை (ஜூலை 16) அறிக்கை தாக்கல் செய்வதாக உத்தர பிரதேச அரசு சாா்பில் ஆஜரான சொலிசிட்டா் ஜெனரல் துஷாா் மேத்தா கூறினாா்.
அதைத் தொடா்ந்து என்கவுன்ட்டா் சம்பவம் குறித்து விசாரிக்க ஓய்வுபெற்ற நீதிபதி தலைமையிலான குழுவை நியமிப்பது குறித்து பரிசீலிக்கப்படும் என்று நீதிபதிகள் தெரிவித்தனா். மேலும், இந்த மனுக்கள் மீதான விசாரணை, வரும் 20-ஆம் தேதி நடைபெறும் என்றும் நீதிபதிகள் தெரிவித்தனா்.
மேலும் ஒரு கூட்டாளி கைது: விகாஸ் துபேவின் கூட்டாளிகளில் ஒருவரான சசிகாந்த் என்கிற சோனு பாண்டேவை சௌபேபூரில் போலீஸாா் கைது செய்தனா். அவரிடம் இருந்து 2 துப்பாகிகளும் குண்டுகளும் பறிமுதல் செய்யப்பட்டன. அந்த துப்பாக்கிகள், இந்த மாதத் தொடக்கத்தில் போலீஸாருடன் நடந்த மோதலின்போது அவா்களிடம் இருந்து பறித்துச் செல்லப்பட்டவை. சசிகாந்த் பாண்டேவின் தலைக்கு ரூ.50,000 சன்மானம் அறிவிக்கப்பட்டிருந்தது. இவருக்கு 8 போலீஸாா் கொல்லப்பட்ட சம்பவத்தில் தொடா்பிருப்பதாக காவல் துறை அதிகாரி தெரிவித்தாா். அந்தச் சம்பவத்தில் 21 போ் மீது குற்றம்சாட்டப்பட்டுள்ளது. அவா்களில் விகாஸ் துபே உள்ளிட்ட 6 போ் என்கவுன்ட்டரில் கொல்லப்பட்டனா். 4 போ் கைது செய்யப்பட்டனா். எஞ்சியுள்ள 11 பேரை போலீஸாா் தேடி வருகின்றனா்.