Enable Javscript for better performance
2019-2020 ஆண்டுகளில் 14 கோடி பேர் வாழ்வாதாரத்தை இழந்துள்ளார்கள்: ப.சிதம்பரம்- Dinamani

சுடச்சுட

    

    2019-2020 ஆண்டுகளில் 14 கோடி பேர் வாழ்வாதாரத்தை இழந்துள்ளார்கள்: ப.சிதம்பரம்

    By DIN  |   Published on : 31st July 2020 04:08 PM  |   அ+அ அ-   |    |  

    Modi government should seek help from talented people: p. Chidambaram

    கோப்புப்படம்


    2019-2020 ஆண்டுகளில் 14 கோடி பேர் வேலை அல்லது வாழ்வாதாரத்தை இழந்துள்ளார்கள் என்று கணிக்கப்பட்டுள்ளது. இது போதாது என்று இப்பொழுது இரண்டு முக்கிய துறைகளான தொலைதொடர்பு மற்றும் விமானப் போக்குவரத்துத் துறையில் பெரும் நெருக்கடி ஏற்பட்டுள்ளது என்று முன்னாள் மத்திய நிதியமைச்சர் ப.சிதம்பரம் தெரிவித்துள்ளார். 

    இதுதொடர்பாக அவர் டிவிட்டரில் வெளியிட்டுள்ள பதிவில், தொலைத்தொடர்பு, விமான போக்குவரத்துத் துறைகளுக்கு தற்போது நெருக்கடி ஏற்பட்டுள்ளது. தொலைத்தொடர்பு, விமான போக்குவரத்து துறை குலைந்தால்  இன்னும் பல்லாயிரம் நேரடி மற்றும் மறைமுக வேலை வாய்ப்புகள் அழிந்து விடும். இதையெல்லாம் பார்த்துக்கொண்டு மோடி அரசு செயலிழந்து நிற்கிறது.

    விமானப் போக்குவரத்துத் துறையில் மூன்று பெரிய தனியார் நிறுவனங்களும் ஏர் இந்தியாவைப் போல் பயணிகளும் இல்லாமல் பணமும் இல்லாமல் முடங்கும் நிலைக்கு வந்திருக்கின்றன.

    2019-2020 ஆண்டுகளில் 14 கோடி நபர்கள் வேலை அல்லது வாழ்வாதாரத்தை இழந்தார்கள் என்று கணிக்கப்பட்டுள்ளது. இது போதாது என்று இப்பொழுது தொலைதொடர்பு மற்றும் விமானப் போக்குவரத்து என இரண்டு முக்கிய துறைகளிலும் பெரும் நெருக்கடி ஏற்பட்டுள்ளது.

    மோடி அரசின் பொருளாதார மேலாண்மை முற்றிலும் தோல்வியடைந்து  விட்டது என்று நான் பல நாட்களாகச் சொல்லிவருகிறேன். தொலை தொடர்பு துறையில் ஒரு பெரிய நிறுவனம் விரைவில் மூடப்படும் என்று எதிர்பார்க்கப்படுகிறது.

    மோடி அரசிடம் திட்டமும் இல்லை, தம் மேலாண்மை தோல்வியடைந்தது என்று ஒப்புக்கொள்ளும் பணிவும் இல்லை, திறமையானவர்களின் உதவியை நாட வேண்டும் என்ற அணுகுமுறையும் இல்லை என்று சிதம்பரம் கூறியுள்ளார். 

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp