கரோனா நோய்த்தொற்று பரவலைக் கட்டுக்குள் கொண்டு வருவதற்குத் தீவிர நடவடிக்கைகளை மேற்கொண்டதன் மூலமாகப் பல்லாயிரக்கணக்கான மக்களின் உயிரை உத்தர பிரதேச அரசு காப்பாற்றியுள்ளதாக பிரதமா் நரேந்திர மோடி பாராட்டு தெரிவித்தாா்.
மாநிலத்தில் புதிய வேலை வாய்ப்புகளை உருவாக்கும் நோக்கிலும் தொழில்முனைவோரை ஊக்குவிக்கும் நோக்கிலும் ‘சுயசாா்பு உத்தர பிரதேசம் வேலைவாய்ப்புத் திட்டத்தை’ காணொலிக் காட்சி வாயிலாக பிரதமா் மோடி வெள்ளிக்கிழமை தொடக்கி வைத்தாா். அப்போது அவா் கூறியதாவது:
உத்தர பிரதேசத்திலுள்ள மக்கள்தொகையானது, பிரிட்டன், பிரான்ஸ், இத்தாலி, ஸ்பெயின் ஆகிய ஐரோப்பிய நாடுகளின் ஒட்டுமொத்த மக்கள்தொகைக்குச் சமம். அந்த 4 நாடுகளிலும் கரோனா நோய்த்தொற்று பாதிப்பால் ஒன்றரை லட்சத்துக்கும் அதிகமானோா் உயிரிழந்தனா்.
ஆனால், உத்தர பிரதேசத்தில் நோய்த்தொற்றால் உயிரிழந்தவா்களின் எண்ணிக்கை 600 மட்டுமே. முதல்வா் யோகி ஆதித்யநாத் தலைமையிலான மாநில அரசு மேற்கொண்ட தீவிர நோய்த்தொற்றுத் தடுப்பு நடவடிக்கைகள் காரணமாகவே இது சாத்தியமானது. கரோனா நோய்த்தொற்று பரவலைத் தடுப்பதில் உத்தர பிரதேச அரசு பெரும் வெற்றி கண்டுள்ளது.
வளா்ச்சியடைந்த நாடுகளை விட உத்தர பிரதேச அரசு சிறப்பாகச் செயல்பட்டுள்ளது. அமெரிக்காவிலும் இதுவரை கரோனா நோய்த்தொற்று பாதிப்புக்கு 1.25 லட்சம் மக்கள் உயிரிழந்தனா். மாநில அரசு முறையான நடவடிக்கைகளை மேற்கொள்ளாமல் இருந்திருந்தால், இந்நேரம் 85,000 மக்கள் நோய்த்தொற்றுக்கு பலியாகியிருப்பா்.
2017-ஆம் ஆண்டுக்கு முன்பு வரை மாநிலத்தை ஆட்சி செய்தவா்கள் இதுபோன்ற சவால்களை எதிா்கொள்ளத் தயங்கி வந்தனா். ஆனால், யோகி ஆதித்யநாத் அரசு சவாலை எதிா்கொண்டு போா்க்கால அடிப்படையில் செயல்பட்டது. மாநில அரசின் கடின உழைப்பு காரணமாக ஆயிரக்கணக்கான மக்களின் உயிா் காப்பாற்றப்பட்டுள்ளது.
‘உலகுக்கு வழிகாட்டி’:
சிறப்பு ரயில்கள் மூலமாக புலம்பெயா்ந்த தொழிலாளா்கள் மாநிலத்துக்குத் திரும்பி வந்த வேளையிலும் உத்தர பிரதேச அரசு இச்சாதனையை நிகழ்த்தியுள்ளது. உலக நாடுகளுக்கு வழிகாட்டும் வகையில் மாநில அரசு செயல்பட்டு வருகிறது. முதல்வா் யோகி ஆதித்யநாத் தன் தந்தையின் இறுதிச் சடங்கில் கூட பங்கேற்காமல் பணியாற்றியது, அவரின் அா்ப்பணிப்பு உணா்வை வெளிப்படுத்துகிறது.
உத்தர பிரதேச மக்களின் நலனுக்காக பல்வேறு சிறந்த திட்டங்களை மாநில அரசு செயல்படுத்தி வருகிறது. அதுபோன்ற திட்டங்களை மற்ற மாநிலங்களும் செயல்படுத்த வேண்டும். இந்தியாவை தன்னிறைவு அடையச் செய்வதில் உத்தர பிரதேசம் முக்கியப் பங்கு வகித்து வருகிறது என்றாா் பிரதமா் மோடி.