Enable Javscript for better performance
விழிப்புணர்வுக்காக கையில் முத்திரையுடன் தன்னையே தனிமைப்படுத்திக் கொண்ட அமிதாப் பச்சன்- Dinamani

சுடச்சுட

    

    விழிப்புணர்வுக்காக கையில் முத்திரையுடன் தன்னையே தனிமைப்படுத்திக் கொண்ட அமிதாப் பச்சன்

    By PTI  |   Published on : 18th March 2020 01:58 PM  |   அ+அ அ-   |    |  

    Amitabh_Bachchan_PTI


    மும்பை: இந்தியாவிலும் கரோனா வைரஸ் பரவி வரும் நிலையில், பொதுமக்களுக்கு விழிப்புணர்வை ஏற்படுத்துவதற்காக தனது கையில் முத்திரைக் குத்திக் கொண்டு தன்னையே தனிமைப்படுத்திக் கொண்டுள்ளார் பாலிவுட் நடிகர் அமிதாப் பச்சன்.

    கடந்த செவ்வாய்க்கிழமை இரவு அவர் தனது டிவிட்டர் பக்கத்தில், மருத்துவப் பாதுகாப்புக்காக வீட்டில் தனிமைப்படுத்தப்பட்டுள்ளவர் என்பதற்கான முத்திரையை தனது கையில் பதிவு செய்து கொண்டுள்ளார்.

    தேர்தல் சமயத்தில் பயன்படுத்தப்படும் மையினால், வீட்டிலேயே தனிமைப்படுத்தப்படுவர்களுக்கு, இடது கையில் இந்த முத்திரைக் குத்தும் பணியை மகாராஷ்டிர அரசு நேற்று துவக்கியது.

    இது குறித்து மக்கள் இடையே விழிப்புணர்வை ஏற்படுத்த, பாலிவுட் நடிகர் அமிதாப் பச்சன் முன் வந்துள்ளார். அதற்காக, அவர் தன்னைத் தானே மார்ச் 30ம் தேதி வரை வீட்டில் தனிமைப்படுத்திக் கொள்வதாகக் கூறியுள்ளார். அதற்கான முத்திரை இடப்பட்ட கையின் புகைப்படத்தையும் டிவிட்டர் பக்கத்தில் பதிவு செய்துள்ளார்.

    மேலும், மும்பை மக்களே பத்திரமாக இருங்கள், எச்சரிச்சையாக இருங்கள், அறிகுறி தென்பட்டால் தனிமைப்படுத்திக் கொள்ளுங்கள் என்று தனது டிவிட்டர் பக்கத்தில் தெரிவித்துள்ளார்.

    அதுமட்டுமல்லாமல், வாரந்தோறும் ஞாயிற்றுக்கிழமைகளில் தனது ரசிகர்களை சந்திக்கும் நிகழ்ச்சியையும் அமிதாப் ரத்து செய்துவிட்டார்.

    அதேப்போல மற்றுமொரு பாலிவுட் நடிகர் திலீப் குமாரும், முன்னெச்சரிக்கை நடவடிக்கையாக தன்னைத் தானே தனிமைப்படுத்திக் கொண்டதாக தனது டிவிட்டர் பக்கத்தில் கூறியுள்ளார்.

    அமிதாப் பச்சம் மூலமாக, ஹோம் குவாரன்டைன் என்ற வீட்டிலேயே தனிமைப்படுத்துதல் என்ற வார்த்தை டிவிட்டரில் வேகமாகப் பரவி வருகிறது.
     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai