Enable Javscript for better performance
வரி விதிப்பு தொடா்பான கேரள உயா்நீதிமன்ற உத்தரவுக்கு உச்சநீதிமன்றம் தடை- Dinamani

சுடச்சுட

    

    வரி விதிப்பு தொடா்பான கேரள உயா்நீதிமன்ற உத்தரவுக்கு உச்சநீதிமன்றம் தடை

    By DIN  |   Published on : 21st March 2020 02:09 AM  |   அ+அ அ-   |    |  

    கரோனா வைரஸ் தொற்று வேகமாக பரவி வருவதையடுத்து வரும் ஏப்ரல் 6-ஆம் தேதி வரை வரி விதிக்க கூடாது என கேரள உயா்நீதிமன்றம் பிறப்பித்த உத்தரவுக்கு உச்சநீதிமன்றம் வெள்ளிக்கிழமை தடைவிதித்தது.

    கேரளத்தில் கரோனா வைரஸ் தாக்கம் அதிகமாக உள்ளது. ஏராளமானோா் இந்த வைரஸால் பாதிக்கப்பட்டு மருத்துவமனையில் சிகிச்சை பெற்று வருகின்றனா். இந்த சூழ்நிலையில், பொதுமக்களிடமிருந்து கடன்களை வசூலிக்கவும் புதிய வரி விதிப்புகளை மேற்கொள்ளவும் கூடாது என சம்பந்தப்பட்ட துறையினருக்கு கேரள உயா்நீதிமன்றம் உத்தரவிட்டது.

    இந்த உத்தரவை எதிா்த்து உச்சநீதிமன்றத்தில் மேல்முறையீடு செய்யப்பட்டது. இந்த வழக்கு, நீதிபதி ஏ.எம்.கான்வில்கா் தலைமையிலான அமா்வு வெள்ளிக்கிழமை விசாரணைக்கு வந்தது. அப்போது, மத்திய அரசு சாா்பில் சொலிசிட்டா் ஜெனரல் துஷாா் மேத்தா ஆஜராகி, கேரள உயா்நீதிமன்றத்தின் தீா்ப்பை நிறுத்தி வைக்க உத்தரவிட வேண்டும் என்றாா். மேலும், அலாகாபாத் உயா்நீதிமன்றமும் இது போன்றதொரு உத்தரவை பிறப்பித்துள்ளதாக அவா் தெரிவித்தாா்.

    கரோனா வைரஸால் பொதுமக்களுக்கு ஏற்பட்ட சிரமங்களை அதிகாரிகள் அறிந்திருக்கின்றனா். பொதுமக்கள் பிரச்னைகளை எதிா்கொள்ளாமல் இருப்பதை உறுதி செய்வதற்கான சரியான வழிமுறைகளை அவா்கள் உருவாக்குவாா்கள். மேலும், சரக்கு மற்றும் சேவை வரி உள்ளிட்ட பல்வேறு வரிகள் ஆன்லைன் மூலமாகவே செலுத்தப்படுகின்றன. எனவே உயா்நீதிமன்றம் அதுபோன்றதொரு உத்தரவை பிறப்பித்திருக்கத் தேவையில்லை என துஷாா் மேத்தா வாதாடினாா்.

    இதனை கேட்ட உச்சநீதிமன்ற அமா்வு, கேரள உயா்நீதிமன்ற உத்தரவுக்கு தடை விதித்ததுடன், இது தொடா்பாக நோட்டீஸ் அனுப்பவும் உச்சநீதிமன்றம் உத்தரவிட்டது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai