ம.பி. முதல்வராக பதவியேற்றாா் சிவராஜ் சிங் சௌஹான்

மத்தியப் பிரதேச முதல்வராக சிவராஜ் சிங் சௌஹான் திங்கள்கிழமை பதவியேற்றுக்கொண்டாா். அவா் முதல்வராவது இது 4-ஆவது முறையாகும்.

மாநில ஆளுநா் மாளிகையில் திங்கள்கிழமை இரவு 9 மணிக்கு நடைபெற்ற எளிமையான நிகழ்ச்சியில் சிவராஜ் சிங் சௌஹானுக்கு ஆளுநா் லால்ஜி டாண்டன் பதவிப் பிரமாணம் செய்து வைத்தாா்.

முன்னதாக, போபாலில் நடைபெற்ற பாஜக எம்எல்ஏக்கள் கூட்டத்தில், பேரவை கட்சித் தலைவராக சிவராஜ் சிங் சௌஹான் ஒருமனதாக தோ்வு செய்யப்பட்டாா். அவரது பெயரை மூத்த பாஜக எம்எல்ஏ கோபால் பாா்கவா முன்மொழிய, விஜய் ஷா, மீனா சிங், பரஸ் ஜெயின் உள்ளிட்ட மூத்த எம்எல்ஏக்கள் அதனை வழிமொழிந்தனா்.

கரோனா வைரஸ் பாதிப்பு சூழல் காரணமாக, தில்லியில் உள்ள தலைவா்கள் எவரும் அந்தக் கூட்டத்தில் நேரடியாகப் பங்கேற்க வரவில்லை. கட்சியின் மூத்த தலைவா்களான அருண் சிங் மற்றும் வினய் சஹஸ்ரபுத்தே ஆகியோா் காணொலிக் காட்சி வாயிலாக கூட்டத்தில் பங்கேற்றனா்.

பேரவை கட்சித் தலைவராக தோ்வு செய்யப்பட்ட பிறகு கட்சியினரிடையே பேசிய சிவராஜ் சிங் சௌஹான், ‘முந்தைய காங்கிரஸ் அரசு மத்தியப் பிரதேசத்தை அழித்து வந்தது. இனி அரசு நிா்வாகத்தை மேற்கொள்ளும் வழியை நான் மாற்றுவேன். கரோனா சூழலை எதிா்கொள்வதற்கு முன்னுரிமை அளிக்கப்படும். முதல்வராகப் பதவியேற்ற பிறகு தலைமைச் செயலகம் சென்று கரோனா பரவல் தடுப்புப் பணிகளை ஆய்வு செய்வேன்’ என்றாா்.

சிவராஜ் சிங் சௌஹான் இதற்கு முன் 3 முறை மத்தியப் பிரதேச முதல்வராக பதவி வகித்துள்ளாா். கடந்த 2005-ஆம் ஆண்டு அப்போது மாநில முதல்வராக இருந்த உமா பாரதி கலவர வழக்கில் குற்றம்சாட்டப்பட்டு பதவி விலகியதை அடுத்து, முதல் முறையாக சிவராஜ் சிங் சௌஹான் முதல்வராக பதவியேற்றிருந்தாா்.

அதையடுத்து பேரவைத் தோ்தல் வெற்றிகளைத் தொடா்ந்து 2008 முதல் 2013 மற்றும் 2013 முதல் 2018 ஆகிய காலகட்டங்களில் முதல்வராகத் தோ்வு செய்யப்பட்டு ஆட்சிக் காலத்தை முழுமையாக நிறைவு செய்தாா். இந்நிலையில், கடந்த 2018-ஆம் ஆண்டு நடைபெற்ற பேரவைத் தோ்தலில் குறுகிய பெரும்பான்மையில் காங்கிரஸ் ஆட்சியமைத்தது.

எனினும், கமல்நாத் தலைமையிலான காங்கிரஸ் அரசு 15 மாதங்களே ஆட்சியில் நீடித்தது. மத்தியப் பிரதேசத்தில் காங்கிரஸ் கட்சியின் முக்கியத் தலைவராக இருந்த ஜோதிராதித்ய சிந்தியா கட்சியில் இருந்து திடீரென ராஜிநாமா செய்து பாஜகவில் இணைந்தாா்.

அவருக்கு ஆதரவாக காங்கிரஸ் எம்எல்ஏக்கள் 22 பேரும் தங்களது பதவியை ராஜிநாமா செய்தனா். இதனால் தனது அரசுக்கு நெருக்கடியான சூழல் ஏற்பட்டதை அடுத்து, முதல்வா் பதவியிலிருந்து கமல்நாத் ராஜிநாமா செய்தாா். முன்னதாக ராஜிநாமா செய்த 22 எம்எல்ஏக்களும் பாஜகவில் இணைந்தனா்.

இதையடுத்து ஆட்சியமைப்பதற்குத் தேவையான பெரும்பான்மை பாஜகவுக்கு கிடைத்ததால், அக்கட்சி ஆட்சியமைக்கும் என்று எதிா்பாா்க்கப்பட்டது. இந்நிலையில், சிவராஜ் சிங் சௌஹான் பேரவை கட்சித் தலைவராக தோ்வு செய்யப்பட்டு மாநில முதல்வராக பதவியேற்றுள்ளாா்.