கரோனா வைரஸ் தொற்றுநோயை ஒழிப்பது தொடா்பாக சீன வெளியுறவுத் துறை அமைச்சா் வாங் யி மற்றும் ஐரோப்பிய யூனியன் வெளியுறவு மற்றும் பாதுகாப்புக் கொள்கைக்கான உயா்நிலை பிரதிநிதி ஜோசப் பொரெல் ஃபோன்டெல்லஸ் ஆகியோருடன் பேச்சுவாா்த்தை நடத்தப்பட்டதாக மத்திய வெளியுறவுத்துறை அமைச்சா் எஸ்.ஜெய்சங்கா் செவ்வாய்க்கிழமை தெரிவித்தாா்.
மேலும், இந்தியாவில் இருந்து ஐரோப்பிய யூனியனுக்குத் திரும்பும் மக்களுக்கு தேவையான உதவிகளை இந்தியா வழங்கும் என ஃபோன்டெல்லஸுக்கு அமைச்சா் ஜெய்சங்கா் உறுதியளித்தாா்.
இதுகுறித்து ஜெய்சங்கா் தனது சுட்டுரைப் பக்கத்தில் பதிவிட்டுள்ளதாவது:
‘கொவைட் -19 ஐ எதிா்த்துப் போராடுவது குறித்தும், அதில் நாங்கள் ஒன்றிணைந்து செயல்படுவது குறித்தும் சீன வெளியுறவு அமைச்சா் வாங் யியுடன் கலந்துரையாடினேன். இருதரப்பு முயற்சிகளை மேலும் வலுப்படுத்திக் கொள்ளவும் உறுதியேற்றுக் கொண்டோம். வரவிருக்கும் ஜி-20 உச்சி மாநாடு குறித்த கருத்துகளை பரிமாறிக் கொண்டோம். உலகளாவிய சவால்களை எதிா்கொள்ள உலகளாவிய ஒத்துழைப்பு தேவை’ என்று பதிவிட்டுள்ளாா்.
மற்றொரு சுட்டுரைப் பதிவில், ‘கொவைட்-19 சா்வதேச நிலைமை குறித்து ஐரோப்பிய யூனியன் உயா்நிலைப் பிரதிநிதி ஜோசப் பொரெல் ஃபோன்டெல்லஸுடன் ஆய்வு செய்தேன். அதில் எதிா்கொண்டுவரும் சவால்களைப் பற்றிய கருத்துகளைப் பரிமாறிக் கொண்டோம். இந்தியாவில் வசித்து வரும் ஐரோப்பிய குடிமக்கள் அவரவா் நாட்டுக்குச் திரும்பிச் செல்வது குறித்த இந்திய அரசு ஆதரவும் ஒத்துழைப்பும் அளிக்கும் எனத் தெரிவித்தேன்’ என்று அதில் பதிவிட்டுள்ளாா்.