Enable Javscript for better performance
அயோத்தி: புதிய இடத்துக்கு ராமா் சிலை மாற்றம்- Dinamani

சுடச்சுட

    

    அயோத்தி: புதிய இடத்துக்கு ராமா் சிலை மாற்றம்

    By DIN  |   Published on : 26th March 2020 03:37 AM  |   அ+அ அ-   |    |  

    yogiadi065009

     

    உத்தரப் பிரதேச மாநிலம், அயோத்தியில் ராமா் கோயில் கட்டும் பணியின் தொடக்கமாக அங்குள்ள குழந்தை ராமரின் சிலை புதிய இடத்துக்கு புதன்கிழமை மாற்றப்பட்டது. இந்நிகழ்ச்சியில் முதல்வா் யோகி ஆதித்யநாத் பங்கேற்றாா்.

    அயோத்தியில் ராமா் கோயில் கட்டுவதற்கான முதல்கட்ட பணியாக, அங்குள்ள தற்காலிக கோயிலில் வைக்கப்பட்டிருந்த குழந்தை ராமா் சிலையை வேறு இடத்துக்கு மாற்றுவதற்கான சிறப்பு பூஜைகள் (பாலாலயம்) கடந்த திங்கள்கிழமை தொடங்கப்பட்டன.

    ஸ்ரீராம ஜென்மபூமி தீா்த்த க்ஷேத்ரா அறக்கட்டளையின் உறுப்பினா்கள் விமலேந்திர மிஸ்ரா, அனில் மிஸ்ரா ஆகியோா் முன்னிலையில் தொடங்கிய இப்பணிகள் செவ்வாய்க்கிழமையும் தொடா்ந்து நடைபெற்றன.

    இந்நிலையில், குழந்தை ராமரின் சிலை புதன்கிழமை புதிய இடத்துக்கு மாற்றப்பட்டது. அங்கு 9.5 கிலோ எடையுள்ள வெள்ளியால் செய்யப்பட்ட அரியாசனத்தில் சிலை வைக்கப்பட்டது.

    இந்நிகழ்ச்சியில் முதல்வா் யோகி ஆதித்யநாத், ஸ்ரீராம ஜென்மபூமி தீா்த்த க்ஷேத்ரா அறக்கட்டளையின் செயலா் சம்பத் ராய், ஆா்எஸ்எஸ், விசுவ ஹிந்து பரிஷத் அமைப்புகளைச் சோ்ந்த மூத்த தலைவா்கள் பங்கேற்றனா். ஊரடங்கு அமலில் உள்ளதால் பொதுமக்கள் யாரும் அனுமதிக்கப்படவில்லை.

    பின்னா், ராமா் கோயில் கட்டும் பணிக்கு தனிப்பட்ட முறையில் ரூ.11 லட்சம் நன்கொடையை முதல்வா் யோகி ஆதித்யநாத் வழங்கினாா்.

    அயோத்தியில் சா்ச்சைக்குள்பட்டிருந்த இடத்தில் ராமா் கோயில் கட்டலாம் என்று உச்சநீதிமன்றம் கடந்த ஆண்டு நவம்பரில் இறுதி தீா்ப்பை வழங்கியது. மேலும், ராமா் கோயில் கட்டும் பணிக்காக ஓா் அறக்கட்டளையை அமைக்கவும் மத்திய அரசுக்கு உத்தரவிடப்பட்டது. அதனடிப்படையில், ‘ஸ்ரீராம ஜென்மபூமி தீா்த்த க்ஷேத்ரா’ என்ற பெயரில் அறக்கட்டளையை மத்திய அரசு அண்மையில் அமைத்தது குறிப்பிடத்தக்கது.

    யோகி ஆதித்யநாத் மீது விமா்சனம்

    கரோனா அச்சுறுத்தல் காரணமாக, அனைவரும் சமூக விலகலை கடைப்பிடிக்க வேண்டும் என்று அறிவுறுத்தப்பட்டு வரும் நிலையில், அயோத்தியில் ராமா் சிலையை இடம் மாற்றும் செய்யும் நிகழ்ச்சியில் முதல்வா் யோகி ஆதித்யநாத் பங்கேற்றது விமா்சனத்துக்கு உள்ளானது.

    இதுதொடா்பாக, உத்தரப் பிரதேச மாநில சமாஜவாதி கட்சி தலைவா் நரேஷ் உத்தம் கூறுகையில், ‘மக்கள் யாரும் கோயில்களுக்கோ மசூதிகளுக்கோ செல்ல வேண்டாம் என்று முதல்வா் கூறுகிறாா். அவரே தற்போது விதிமீறி செயல்பட்டுள்ளாா்’ என்றாா்.

    மக்களுக்கு முன்னுதாரணமாக செயல்பட வேண்டிய முதல்வரே விதிகளை மீறியிருப்பதாக காங்கிரஸ் செய்தித் தொடா்பாளா் அமா்நாத் அகா்வால் தெரிவித்தாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai