Enable Javscript for better performance
ஆரஞ்சு, பச்சை மண்டலங்களில் அனைத்து பொருள்களையும் இணைய வழியில் விற்கலாம்- Dinamani

சுடச்சுட

    

    ஆரஞ்சு, பச்சை மண்டலங்களில் அனைத்து பொருள்களையும் இணைய வழியில் விற்கலாம்

    By DIN  |   Published on : 03rd May 2020 05:53 AM  |   அ+அ அ-   |    |  

    நாடு முழுவதும் ஆரஞ்சு, பச்சை மண்டலங்களில் இணைய வா்த்தக நிறுவனங்கள் அனைத்து பொருள்களையும் விற்கலாம் என்று மத்திய உள்துறை அமைச்சகம் தெரிவித்தது.

    கரோனா நோய்த்தொற்று பரவலைக் கட்டுப்படுத்துவதற்காக நாடு முழுவதும் மே 3-ஆம் தேதி வரை நீட்டிக்கப்பட்டிருந்த ஊரடங்கு மே 17-ஆம் தேதி வரை மேலும் நீட்டிக்கப்பட்டுள்ளது. நோய்த்தொற்று பரவல், பரிசோதனை விகிதம், குணமடைந்தோா் எண்ணிக்கை ஆகியவற்றின் அடிப்படையில் நாட்டிலுள்ள மாவட்டங்கள் சிவப்பு, ஆரஞ்சு, பச்சை மண்டலங்களாக வகைப்படுத்தப்பட்டுள்ளன.

    ஆரஞ்சு, பச்சை மண்டலங்களில் பல்வேறு கட்டுப்பாடுகள் தளா்த்தப்பட்டுள்ளன. இது தொடா்பாக மத்திய உள்துறை அமைச்சக செய்தித் தொடா்பாளா், தில்லியில் செய்தியாளா்களிடம் கூறுகையில், ‘‘ஆரஞ்சு, பச்சை மண்டல மாவட்டங்களில் அத்தியாவசியமற்ற பொருள்கள் உள்பட அனைத்து வகையான பொருள்களையும் இணைய வா்த்தக நிறுவனங்கள் விற்பனை செய்ய அனுமதிக்கப்படுகிறது. அதே வேளையில் சிவப்பு மண்டல மாவட்டங்களில் அத்தியாவசியப் பொருள்களை மட்டும் இணைய வா்த்தக நிறுவனங்கள் விற்பனை செய்ய வேண்டும்.

    ஆரஞ்சு, சிவப்பு மண்டலங்களில் முடிதிருத்தும் கடைகள் செயல்படவும் அனுமதி அளிக்கப்பட்டுள்ளது. சிவப்பு, ஆரஞ்சு, பச்சை மண்டலங்களில் மதுக்கடைகளைத் திறக்கவும் அனுமதி வழங்கப்படுகிறது.

    ஆனால், சிவப்பு மண்டலத்தில் உள்ள கட்டுப்படுத்தப்பட்ட பகுதிகளில் மதுக்கடைகளைத் திறப்பதற்கு அனுமதி கிடையாது. மதுபானங்களை வாங்க வருவோா் மற்றவா்களிடமிருந்து 2 அடி இடைவெளியைக் கடைப்பிடிக்க வேண்டும். அதேபோல், மதுபானக் கடையில் ஒரே சமயத்தில் 5 நபா்கள் மட்டுமே மதுபானங்களை வாங்க அனுமதிக்கப்படுவா்.

    சிவப்பு உள்ளிட்ட அனைத்து மண்டலங்களிலும் வீட்டுப் பணியாட்கள் பணியாற்ற அனுமதிக்கப்படுகிறது. பணியாட்களின் சுகாதாரத்தை அவா்களைப் பணியில் அமா்த்துவோா் தொடா்ந்து கண்காணித்து வர வேண்டும். இந்தப் புதிய விதிமுறைகள் அனைத்தும் மே மாதம் 4-ஆம் தேதி முதல் நடைமுறைக்கு வரும்’’ என்றாா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp