சாகர்: மகாராஷ்டிரத்தில் இருந்து உத்தரப்பிரதேசம் நோக்கிச் சென்று கொண்டிருந்த டிரக் ஒன்று, மத்தியப் பிரதேச மாநிலம் சாகர் அருகே சாலையில் கவிழ்ந்து விபத்துக்குள்ளானதில் 5 புலம்பெயர் தொழிலாளர்கள் பலியாகினர். 19 பேர் காயமடைந்தனர்.
புலம்பெயர் தொழிலாளர்களை ஏற்றிக் கொண்டு வந்த டிரக், சாகர் - கான்பூர் சாலையில் சென்று கொண்டிருந்த போது சாலையில் கவிழ்ந்து விபத்துக்குள்ளனாது. இதில் சம்பவ இடத்திலேயே 5 பேர் மரணம் அடைந்தனர். காயமடைந்த 19 பேரும் மருத்துவமனைகளுக்கு கொண்டு செல்லப்பட்டுள்ளனர்.
பலியான தொழிலாளர்கள் அனைவரும் உத்தரப்பிரதேச மாநிலத்தைச் சேர்ந்தவர்கள். டிரக்கில் ஏராளமான துணி பண்டல்கள் இருந்துள்ளன. அவற்றின் மீது அமர்ந்தபடி புலம்பெயர் தொழிலாளர்கள் சென்றிருப்பது தெரிய வந்துள்ளது.