ராஜஸ்தானில் மேலும் 131 பேருக்கு கரோனா தொற்று உறுதி செய்யப்பட்டுள்ளதாக மாநில சுகாதாரத்துறை தகவல் தெரிவித்துள்ளது.
இந்தியாவில் கரோனா தொற்று அதிகம் பாதிக்கப்பட்ட மாநிலங்களில் ஒன்றாக ராஜஸ்தானும் உள்ளது. இந்நிலையில், ராஜஸ்தானில் புதிதாக (இன்று பிற்பகல் 2 மணி வரை) கரோனா தொற்றால் பாதிக்கப்பட்டோர் விவரத்தை மாநில சுகாதாரத்துறை வெளியிட்டுள்ளது. அதன்படி, ராஜஸ்தானில் மேலும் 128 பேருக்கு கரோனா வைரஸ் தொற்று உறுதியாகியுள்ளது.
இதையடுத்து மாநிலத்தில் பாதிப்பு எண்ணிக்கை 6,146 ஆக உயர்ந்துள்ளது. கரோனாவுக்கு மேலும் 3 பேர் பலியாகியுள்ளனர். இதனால் பலி எண்ணிக்கை 150 ஆக உயர்ந்துள்ளது. அதே நேரத்தில் 3,422 பேர் கரோனாவில் இருந்து மீண்டுள்ளனர். தற்போது 3,041 பேர் சிகிச்சை பெற்று வருகின்றனர்.