புலம்பெயர் தொழிலாளர்களுக்கான சிறப்பு ரயில்களை இயக்க மாநில அரசுகள் அனுமதியளித்து ஒத்துழைப்பு தர வேண்டும் என ரயில்வே அமைச்சர் பியூஷ் கோயல் தெரிவித்துள்ளார்.
இதுபற்றி சுட்டுரைப் பக்கத்தில் அவர் குறிப்பிட்டுள்ளதாவது:
"நாட்டின் பல்வேறு பகுதிகளிலுள்ள புலம்பெயர் தொழிலாளர்கள், தங்களது சொந்த மாநிலங்களுக்குத் திரும்புவதற்காக 3,000-க்கும் மேற்பட்ட சிறப்பு ரயில்களை இந்திய ரயில்வே வெற்றிகரமாக இயக்கியுள்ளது. ரயில்வேவுக்கு ஒத்துழைப்பு தந்து புலம்பெயர் தொழிலாளர்களுக்கு உதவ வேண்டும் என்பதை மாநிலங்களுக்கு மீண்டும் வலியுறுத்துகிறேன்."
இன்று வரை புலம்பெயர் தொழிலாளர்களுக்காக 3,000-க்கும் மேற்பட்ட சிறப்பு ரயில்கள் இயக்கப்பட்டுள்ளன. இதில் 40 லட்சம் புலம்பெயர் தொழிலாளர்கள் பயணித்துள்ளனர்.