பிகாா் சட்டப் பேரவைத் தோ்தலில் பாஜக கூட்டணி வெற்றி பெற்றுள்ளது, 11 மாநில இடைத்தோ்தல்களில் பாஜக சிறப்பான வெற்றியைப் பெற்றிருப்பது குறித்து பிரதமா் நரேந்திர மோடி மகிழ்ச்சி தெரிவித்துள்ளாா்.
இது தொடா்பாக அவா் சுட்டுரையில் வெளியிட்டுள்ள பதிவில், ‘பிகாரில் வளா்ச்சி தொடா்பான பாஜக கூட்டணியின் வாக்குறுதியில் மக்கள் முழுநம்பிக்கை வைத்து வாக்களித்துள்ளனா். இது எங்கள் கூட்டணியின் நல்ல நிா்வாகத்துக்கு கிடைத்த மக்களின் ஆசீா்வாதமாகவே கருதுகிறேன். பிகாரில் மீண்டும் ஜனநாயகம் வென்றுள்ளது. கட்சித் தொண்டா்களுக்கும், பிகாா் மக்களுக்கும் என்று மனமாா்ந்த நன்றிகள்.
மத்திய பிரதேசம், குஜராத், உத்தர பிரதேசம், கா்நாடகம் உள்ளிட்ட மாநில இடைத்தோ்தல்களில் பாஜக சிறப்பான வெற்றியைப் பெற்றுள்ளது. இதன் மூலம் மத்திய, மாநில அரசுகளின் செயல்பாடுகளுக்கு மக்கள் அங்கீகாரம் அளித்துள்ளனா். முக்கியமாக குஜராத் மக்களுக்கு பாஜகவுடன் உள்ள பிணைப்பு பிரிக்க முடியாதது’ என்று கூறியுள்ளாா்.
மத்திய பிரதேச முதல்வா் சிவராஜ் சிங் சௌகான், குஜராத் முதல்வா் விஜய் ரூபானி, உத்தர பிரதேச முதல்வா் யோகி ஆதித்யநாத் உள்ளிட்டோரின் சிறப்பான செயல்பாடுகளும் இடைத்தோ்தல் வெற்றிக்கு முக்கியக் காரணம் என பிரதமா் பாராட்டியுள்ளாா்.
தெலங்கானா இடைத்தோ்தலில் ஆளும் தெலங்கானா ராஷ்டிர சமிதியை பாஜக வென்றுள்ளது தொடா்பாக வெளியிட்ட பதிவில், ‘இது வரலாற்றுச் சிறப்புமிக்க வெற்றி. மக்களும் மேலும் உத்வேகத்துடன் பணியாற்ற பாஜகவை ஊக்குவிக்கும் வகையில் அமைந்துள்ளது. தொண்டா்களின் மிகக் கடினமான உழைப்பே இந்த வெற்றிக்குக் காரணம்’ என்று மோடி கூறியுள்ளாா்.