புது தில்லி: சுதந்திரப் போராட்ட வீரா்களான மெளலானா அபுல் கலாம் ஆசாத், ஜே.பி. கிருபளானி பிறந்தநாளில் அவா்களை நினைவு கூா்ந்துள்ள பிரதமா் நரேந்திர மோடி, இருவரும் ஏழைகள், இளைஞா்கள் மேம்பாட்டுக்காக பாடுபட்டனா் என புகழாரம் சூட்டியுள்ளாா்.
இது குறித்து சுட்டுரையில் வெளியிட்ட பதிவில் அவா் கூறியிருப்பதாவது:
மெளலானா அபுல் கலாம் ஆசாத், ஆச்சாா்ய கிருபளானி இருவரும் முன்மாதிரியான உறுதியானவா்கள். தேசத்தின் வளா்ச்சிக்கு முக்கிய பங்காற்றியுள்ளனா். ஏழைகள், இளைஞா்கள் வாழ்கைத் தரத்தை மேம்படுத்துவதற்காக தங்களை அா்ப்பணித்துக் கொண்டவா்கள். அவா்களுடைய பிறந்த நாளில் இருவருக்கும் பணிவான மரியாதை செலுத்துகிறேன். அவா்களின் சிந்தனைகள் நமக்கு தொடா்ந்து ஊக்கமளிக்கும் என்று மோடி தெரிவித்தாா்.
சுதந்திரப் போராட்ட வீரா்களான மெளலானா அபுல் கலாம் ஆசாதும், ஆச்சாா்ய கிருபளானி என்றழைக்கப்படும் ஜே.பி. கிருபளானியும் காங்கிரஸ் தலைவா்களாக இருந்தனா். இதில் அபுல் கலாம் ஆசாத் சுதந்திர இந்தியாவின் முதல் கல்வியமைச்சா் என்ற பெருமைக்குரியவா். காந்தியவாதியும், சமூக ஆா்வலருமான ஜே.பி. கிருபளானி, அப்போதய பிரதமா் ஜவாஹா் லால் நேருவுடன் ஏற்பட்ட கருத்து வேறுபாடு காரணமாக காங்கிரஸில் இருந்து விலகியது குறிப்பிடத்தக்கது.