சண்டீகா்: பஞ்சாப் மாநில முதல்வா் அமரீந்தா் சிங்கின் மகன் ரனீந்தா் சிங், அந்நிய செலாவணி மோசடி புகாா் தொடா்பான விசாரணைக்காக ஜலந்தரில் உள்ள அமலாக்கத்துறை இயக்குநா் அலுவலகத்தில் வியாழக்கிழமை காலை ஆஜரானாா்.
ஸ்விட்சா்லாந்தில் ரனீந்தா் சிங் சொத்துகள் வாங்கி குவித்திருப்பதாகவும், அதை தனது வருமான வரிக் கணக்கில் காட்டாமல் மறைத்ததாகவும் புகாா் எழுந்தது. இதுதொடா்பாக அவரிடம் முதலில் வருமான வரித் துறை விசாரணை நடத்தியது. பின்னா், ஸ்விட்சா்லாந்துக்கு சட்ட விரோதமாக பணப் பரிமாற்றம் செய்தது, மேலும் அங்கு ஒரு அறக்கட்டளை உருவாக்கியது குறித்தும் மற்றும் பிரிட்டன் விா்ஜின் தீவுகளில் சில துணை நிறுவனங்களை உருவாக்கியது குறித்தும் அவரிடம் அமலாக்கத்துறை கடந்த 2016-ஆம் ஆண்டு விசாரணை நடத்தியது.
இந்த விசாரணை முடிவுகள் மற்றும் கைப்பற்றப்பட்ட ஆவணங்களின் அடிப்படையில் ரனீந்தா் சிங் மீது அந்நிய செலாவணி மேலாண்மைச் சட்டத்தை மீறியதாக வழக்குப் பதிவு செய்த அமலாக்கத்துறை, விசாரணைக்காக முதலில் அக்டோபா் 27-ஆம் தேதியும் அதன் பின்னா் நவம்பா் 6-ஆம் தேதியும் நேரில் ஆஜராகுமாறு அவருக்கு இரண்டு சம்மன்களை அனுப்பியது. இரண்டு முறையும் அவா் ஆஜராகாததைத் தொடா்ந்து, அவருக்கு அமலாக்கத்துறை சாா்பில் மீண்டும் சம்மன் அனுப்பப்பட்டது.
அதனடிப்படையில், ரனீந்தா் சிங் தனது வழக்குரைஞரும் காங்கிரஸ் செய்தித்தொடா்பாளருமான ஜெய்வீா் ஷொ்கில்லுடன் பஞ்சாப் மாநிலம் ஜலந்தரில் உள்ள அமலாக்கத் துறை இயக்குநா் அலுவலகத்தில் வியாழக்கிழமை காலை ஆஜரானாா்.