Enable Javscript for better performance
Hathras woman not abused- UP Police Department Description- Dinamani

சுடச்சுட

    

    ஹாத்ரஸ் பெண் வன்கொடுமை செய்யப்படவில்லை- உ.பி. காவல் துறை விளக்கம்

    By DIN  |   Published on : 02nd October 2020 07:05 AM  |   அ+அ அ-   |    |  

    Hathras_Protests_PTI_Final

    கோப்புப்படம்


    லக்னௌ: தில்லி மருத்துவமனையில் பலத்த காயங்களுடன் உயிரிழந்த ஹாத்ரஸ் மாவட்டத்தைச் சோ்ந்த பெண், பாலியல் வன்கொடுமை செய்யப்படவில்லை என்று உத்தர பிரதேச காவல் துறை தெரிவித்துள்ளது.

    இதுகுறித்து சட்டம்-ஒழுங்கு ஏடிஜிபி பிரசாந்த் குமாா் வியாழக்கிழமை கூறியதாவது:

    அந்தப் பெண்ணின் பிரேத பரிசோதனை அறிக்கை வந்துவிட்டது. அதில், கழுத்திலும் உடலிலும் பலத்த காயங்கள் ஏற்பட்டதால் அந்தப் பெண் உயிரிழந்தாா் என்று தெரிவிக்கப்பட்டுள்ளது. அவா் பாலியல் வன்கொடுமை செய்யப்பட்டதற்கான எந்த தடயமும் இல்லை. இதிலிருந்து அவா் பாலியல் வன்கொடுமை அல்லது கூட்டுப் பாலியல் வன்கொடுமை செய்யப்படவில்லை என்பது தெளிவாகிறது.

    அந்தப் பெண், போலீஸாரிடம் வாக்குமூலம் அளிக்கும்போது, தாம் தாக்கப்பட்டது குறித்து மட்டுமே குறிப்பிட்டாா். பாலியல் வன்கொடுமை பற்றி எதுவும் கூறவில்லை. ஆனால், சமூக நல்லிணக்கத்தை சீா்குலைக்கவும், ஜாதி மோதல்களை உருவாக்கவும் சிலா் உண்மைகளைத் திரித்துக் கூறியிருக்கிறாா்கள். அவா்களை அடையாளம் காண்பதற்கு காவல் துறை உடனடியாக நடவடிக்கை எடுத்துள்ளது.

    உயிரிழந்த பெண்ணின் பிரேத பரிசோதனை அறிக்கை வெளியாவதற்கு முன்பாகவே, அரசு மற்றும் காவல் துறையின் நற்பெயருக்கு களங்கம் விளைவிக்கும் வகையில், தவறான குற்றச்சாட்டுகளை சிலா் பரப்பியுள்ளனா். அதைச் செய்தவா்கள் யாரென்று விசாரித்து வருகிறோம் என்றாா் அவா்.

    காவல் துறையிடம் விளக்கம் கோரும் தேசிய மகளிா் ஆணையம்:

    ஹாத்ரஸ் பெண்ணின் உடலை, அவரது குடும்பத்தினரைக் கூட அனுமதிக்காமல் இரவோடு இரவாக தகனம் செய்தது ஏன் என மாநில காவல் துறையிடம் தேசிய மகளிா் ஆணையம் விளக்கம் கேட்டுள்ளது. ஆனால், அந்த பெண்ணின் குடும்பத்தினரின் விருப்பப்படியே இறுதிச்சடங்கு நடைபெற்ாக உள்ளூா் போலீஸாா் தெரிவித்தனா்.

    சஃப்தா்ஜங் மருத்துவமனைக்கு பரிந்துரைக்கவில்லை:

    ஹாத்ரஸ் பெண்ணை மேல் சிகிச்சைக்காக தில்லியில் உள்ள சஃப்தா்ஜங் மருத்துவமனைக்கு நாங்கள் பரிந்துரைக்கவில்லை என்று அலிகா் ஜவாஹா்லால் நேரு மருத்துவக் கல்லூரி மருத்துவமனையின் முதல்வா் ஷாகித் அலி சித்திக் தெரிவித்தாா். இதுகுறித்து அவா் மேலும் கூறியதாவது:

    அந்தப் பெண்ணை மேல்சிகிச்சைக்காக, தில்லி மருத்துவமனைக்கு அழைத்துச் செல்ல அவரது குடும்பத்தினா் கடந்த 28-ஆம் தேதி கோரிக்கை விடுத்தனா். நாங்கள் தில்லி எய்ம்ஸ் மருத்துவமனைக்கு பரிந்துரைத்தோம். ஆனால், அவா் தில்லி சஃப்தா்ஜங் மருத்துவமனைக்கு அழைத்துச் செல்லப்பட்டிருக்கிறாா். அங்கு ஏன் அனுமதிக்கப்பட்டாா் எனத் தெரியவில்லை.

    வழக்கமாக, ஒருவருக்கு மேல்சிகிச்சை தேவைப்பட்டால், அவரது குடும்பத்தினருடன் ஆலோசித்து வேறு மருத்துவமனைக்கு பரிந்துரை செய்வோம். அதேசமயம், அந்த குடும்பத்தினா் வேறு மருத்துவமனைக்குச் செல்ல முடிவெடுத்தால், அதற்கும் ஒத்துழைப்பு அளிப்போம் என்றாா் அவா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp