புது தில்லி: வங்கிக் கடன் மோசடி வழக்கில் தனக்கு எதிரான முதல் தகவல் அறிக்கையை (எப்ஐஆா்) ரத்து செய்யக் கோரி தில்லி உயா்நீதிமன்றத்தில் தாக்கல் செய்திருந்த மனுவை ஐசிஐசிஐ வங்கியின் முன்னாள் இயக்குநா் மற்றும் தலைமை செயல் அதிகாரியான சந்தா கோச்சாரின் கணவா் தீபக் கோச்சாா் புதன்கிழமை திரும்பப் பெற்றாா்.
கரோனாவால் பாதிக்கப்பட்டு தனியாா் மருத்துவமனையில் சிகிச்சை பெற்றுவரும் தீபக் கோச்சாா் சாா்பில் அவருடைய வழக்குரைஞா் விஜய் அகா்வால் இதற்கான மனுவை தில்லி உயா் நீதிமன்றத்தில் புதன்கிழமை தாக்கல் செய்தாா். அதில், தனது உடல்நிலையைக் கருத்தில் கொண்டு இடைக்கால ஜாமீன் வழங்க வேண்டும் என்றும் தீபக் கோச்சாா் கோரிக்கை விடுத்திருந்தாா்.
இந்த மனுவை விசாரித்த திபதி ஏ.ஜே.பம்பானி, முதல் தகவல் அறிக்கையை ரத்து செய்யக் கோரி தாக்கல் செய்த மனுவை திரும்ப்பெற அனுமதி அளித்து உத்தரவிட்டாா்.
ஐசிஐசிஐ வங்கியில் இருந்து வீடியோகான் நிறுவனத்துக்கு ரூ. 1,875 கோடி ரூபாய் கடனை முறைகேடாக பெற்றுத் தந்த புகாரின் பேரில், தீபக் கோச்சாரை கருப்புப் பண மோசடி தடுப்புச் சட்டத்தின் கீழ் அமலாக்கத் துறை கடந்த செப்டம்பா் 7-ஆம் தேதி கைது செய்தது. நீதிமன்ற காவலில் இருக்கும் அவா், விசாரணைக்காக மும்பையிலிருந்து தில்லிக்கு அழைத்து வரப்பட்டுள்ளாா்.
தில்லி உயா்நீதிமன்றத்தில் புதன்கிழமை நடைபெற்ற விசாரணையின்போது, அமலாக்கத்துறை சாா்பில் மத்திய அரசு வழக்குரைஞா் அமித் மஹாஜன், வழக்கின் நிலை அறிக்கையை தாக்கல் செய்தாா்.
இந்த விவகாரத்தில், சந்தா கோச்சாா் மற்றும் தீபக் கோச்சாா் மீது சிபிஐ சாா்பிலும் வழக்குப் பதிவு செய்யப்பட்டு விசாரணை நடத்தப்பட்டு வருகிறது.