Enable Javscript for better performance
பிரதமர் மோடியிடம் சொந்தமாக கார் இல்லை; கடனும் இல்லை- Dinamani

சுடச்சுட

    

    பிரதமர் மோடியிடம் சொந்தமாக கார் இல்லை; கடனும் இல்லை

    By DIN  |   Published on : 15th October 2020 03:43 PM  |   அ+அ அ-   |    |  

    Invest in India: Prime Minister Modi calls on Canadian businessmen

    பிரதமர் மோடியிடம் சொந்தமாக கார் இல்லை; கடனும் இல்லை

    பிரதமர் நரேந்திர மோடியின் அசையும் சொத்துகள் கடந்த 15 மாதங்களில் 36.53 லட்சம் அளவுக்கு உயர்ந்துள்ளது. அவர் தனது மாத வருவாயில் பெரும் பகுதியை சேமித்து வங்கிகளில் நிரந்தர வைப்பு நிதியில் போட்டு வைத்துள்ளதாக தெரிவிக்கப்பட்டுள்ளது.

    பிரதமர் மோடி தாமாக முன் வந்து தமது சொத்து விவரங்களை வெளியிட்டுள்ளார். அதன்படி, அவரது அசையும் சொத்துக்களின் மதிப்பு கடந்த நிதியாண்டுடன் ஒப்பிடுகையில் 1,39,10,260-ல் இருந்து ரூ.1,75,63,618 ஆக அதாவது 26.26 சதவீதம் உயர்ந்துள்ளது. 

    கடந்த ஜூன் மாதம் 30-ம் தேதி நிலவரப்படி தனது சொத்து மதிப்புகள் குறித்து அக்டோபர் 12-ம் தேதி பிரதமர் நரேந்திர மோடி தாமாக முன்வந்து விவரங்களை வெளியிட்டுள்ளார்.

    அதில், பிரதமர் நரேந்திர மோடியின் அசையும் சொத்துகள் மதிப்பு உயர்ந்திருப்பதில், முக்கியக் காரணியாக அவரது மாத வருவாயில் பெரும்பகுதி சேமிப்பாக மாற்றப்பட்டுள்ளதே என்று கருதப்படுகிறது.

    அதே வேளையில், அசையா சொத்துகளில் எந்த மாற்றமும் ஏற்படவில்லை. ஏற்கனவே, அவர் தனக்கும் தனது குடும்பத்துக்கும் சொந்தமாக ரூ.1.1 கோடி மதிப்பிலான நிலம் மற்றும் வீடு இருப்பதாகக் கூறியிருந்தார். 

    70 வயதாகும் பிரதமர் நரேந்திர மோடி, வரிச் சலுகை பெறும் ஆயுள் காப்பீடு, தேசிய சேமிப்புப் பத்திரம் போன்றவற்றுக்கு முக்கியத்துவம் அளித்துள்ளார். மாதம் தலா இரண்டு லட்சம் ஊதியமாக பெறும் பிரதமர் மோடியின் வங்கிக் கணக்கில் ரூ.3.38 லட்சம் இருப்பு வைக்கப்பட்டுள்ளது. இதுவே கடந்த 2019 மார்ச் 31-ம் தேதி ரூ.4,143 ஆக இருந்துள்ளது. 

    காந்திநகரில் உள்ள எஸ்பிஐ வங்கிக் கிளையில் மோடி வைத்திருக்கும் நிரந்தர வைப்புத் தொகை கடந்த ஆண்டு 1,27,81,574 ஆக இருந்த நிலையில், தற்போது இது ரூ.1,60,28,039 ஆக உயர்ந்துள்ளது. மோடியிடம் சொந்தமாக கார் இல்லை. அதுபோலவே கடனும் இல்லை. நான்கு தங்க மோதிரங்கள் உள்ளன என்று தெரிவிக்கப்பட்டுள்ளது.
     

    TAGS
    pm modi

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp