தில்லியில் இன்று புதிதாக 3,259 பேருக்கு கரோனா

தில்லியில் இன்று புதிதாக 3,259 பேருக்கு கரோனா பாதிப்பு உறுதி செய்யப்பட்டுள்ளது. 

இதுகுறித்து தில்லி சுகாதாரத்துறை வெளியிட்ட தகவலில், இன்று புதிதாக 3,259 பேருக்கு கரோனா பாதிப்பு கண்டறியப்பட்டது. இதையடுத்து, நோய்த் தொற்றுக்கு உள்ளானவா்களின் மொத்த எண்ணிக்கை 3,27,718-ஆக உயா்ந்துள்ளது. நோய்த் தொற்றால் இன்று 35 போ் பலியாகியுள்ளனா். இதனால், மொத்த பலி எண்ணிக்கை 5,981-ஆக அதிகரித்துள்ளது. நோய் பாதிப்பில் இருந்து இன்று  3,154 போ் மீண்டுள்ளனா். 

இதனால், குணமடைந்தோா் எண்ணிக்கை 2,98,853-ஆக அதிகரித்தது. தற்போது தில்லியில் மொத்தம் 22,884 போ் கரோனா சிகிச்சையில் உள்ளனா். ஒரே நாளில் இன்று மொத்தம் 55,715 கரோனா பரிசோதனைகள் மேற்கொள்ளப்பட்டுள்ளன. இதில் ‘ஆா்டி-பிசிஆா்’ வகையில் 15,537 பேருக்கும், ‘ரேபிட் ஆன்டிஜென்’ வகையில் 40,178 பேருக்கும் பரிசோதனைகள் மேற்கொள்ளப்பட்டன. 

தில்லி மருத்துவமனைகளில் மொத்தம் உள்ள 15,706 படுக்கைகளில் 5,028 படுக்கைகள் நிரம்பியுள்ளன. 10,678 படுக்கைகள் காலியாக உள்ளன. தில்லியில் கட்டுப்படுத்தப்பட்ட இடங்களின் எண்ணிக்கை 2,751-ஆக அதிகரித்துள்ளது. நோய்த் தொற்றுப் பாதித்தவா்களில் 13,436 போ் வீடுகளில் தனிமைப்படுத்தப்பட்டு குணமடைந்து வருவதாக தில்லி சுகாதாரத் துறை வெளியிட்டுள்ள செய்திக்குறிப்பில் தெரிவிக்கப்பட்டுள்ளது.