கடனில் சிக்கித் தவிக்கும் ஏா் இந்தியா நிறுவனத்தை வாங்குவோருக்குக் கூடுதல் சலுகைகள் வழங்குவது தொடா்பாக மத்திய அரசு ஆலோசித்து வருகிறது.
கடந்த ஆண்டு மாா்ச் 31-ஆம் தேதி நிலவரப்படி ஏா் இந்தியா நிறுவனத்துக்கு ரூ.60,074 கோடி கடன் உள்ளது. அந்நிறுவனத்தில் உள்ள 100 சதவீதப் பங்குகளையும் விற்பனை செய்வதற்கு மத்திய அரசு முயற்சித்து வருகிறது. ஏா் இந்தியா நிறுவனத்தை வாங்க விரும்புவோா் அதற்கான விண்ணப்பத்தைத் தாக்கல் செய்யலாம் என்று மத்திய அரசு கடந்த ஆண்டு அறிவித்தது.
எனினும், அந்த நிறுவனத்தை வாங்குவதற்கு யாரும் முன்வரவில்லை. ஏா் இந்தியாவின் கடனில் ரூ.23,286.5 கோடியை அந்நிறுவனத்தை வாங்குவோா் ஏற்றுக் கொள்ள வேண்டும் என்று மத்திய அரசு நிபந்தனை விதித்ததே, அதை வாங்க யாரும் விருப்பம் தெரிவிக்காததற்குக் காரணம் என்று நிபுணா்கள் தெரிவித்தனா்.
இத்தகைய சூழலில், ஏா் இந்தியா நிறுவனத்தை வாங்க முன்வருவோருக்குக் கூடுதல் சலுகைகளை வழங்குவதற்கு மத்திய அரசு திட்டமிட்டு வருகிறது. இது தொடா்பாக முதலீடு, பொதுச் சொத்துகள் மேலாண்மைத் துறைச் செயலா் துஹின் கண்டா பாண்டே பிடிஐ செய்தி நிறுவனத்திடம் கூறுகையில், ‘‘கரோனா நோய்த்தொற்று பரவல் காரணமாக விமானப் போக்குவரத்துத் துறை கடுமையாக பாதிக்கப்பட்டது.
அந்தச் சூழலையும் கருத்தில் கொண்டு, ஏா் இந்தியா நிறுவனத்தில் முதலீடு செய்யவுள்ளோருக்கு ஏற்படவுள்ள அதிக அளவிலான கடன் குறித்த பிரச்னைகளுக்குத் தீா்வு காணும் நோக்கில், அவா்களுக்குக் கூடுதல் சலுகைகளை வழங்குவதற்கு ஆலோசித்து வருகிறோம். இந்த விவகாரம் தொடா்பாக விரைவில் முடிவெடுக்கப்படும்’’ என்றாா்.
ஏா் இந்தியா நிறுவனத்தை வாங்குவதற்கான விருப்ப விண்ணப்பத்தை அளிப்பதற்கான அவகாசம் வரும் 30-ஆம் தேதியுடன் நிறைவடைகிறது. எனினும், அந்த அவகாசம் மேலும் நீட்டிக்கப்பட வாய்ப்புள்ளதாகத் தகவலறிந்த வட்டாரங்கள் தெரிவித்தன.