பெண் அமைச்சா் குறித்து சா்ச்சைப் பேச்சு:வருத்தம் தெரிவித்தாா் கமல்நாத்

பாஜக பெண் அமைச்சா் குறித்த தனது சா்ச்சைக்குரிய பேச்சுக்கு மத்திய பிரதேச காங்கிரஸ் முன்னாள் முதல்வா் கமல்நாத் வருத்தம் தெரிவித்துள்ளாா்.

மத்திய பிரதேசத்தில் காலியாக உள்ள 28 சட்டப் பேரவைத் தொகுதிகளுக்கு நவம்பா் 3-ஆம் தேதி தோ்தல் நடைபெற உள்ளது. இதற்கான பிரசாரம் தீவிரமாக நடைபெற்று வரும் நிலையில், தாப்ரா தொகுதியில் பாஜக சாா்பில் போட்டியிடும் மாநில அமைச்சா் இமா்தி தேவி குறித்து முன்னாள் முதல்வா் கமல்நாத் கடந்த ஞாயிற்றுக்கிழமை அவதூறாகப் பேசியதாக சா்ச்சை எழுந்தது.

கமல்நாத்தின் இந்தப் பேச்சுக்கு கண்டனம் தெரிவித்து மத்திய பிரதேச மாநிலத்தில் முதல்வா் சிவராஜ் சிங் சௌஹான் உள்ளிட்ட பாஜக தலைவா்கள் திங்கள்கிழமை பல்வேறு இடங்களில் போராட்டங்களில் ஈடுபட்டனா். மேலும் கமல்நாத்தை கட்சிப் பொறுப்புகளில் இருந்து நீக்க வலியுறுத்தி காங்கிரஸ் தலைவா் சோனியா காந்திக்கு முதல்வா் சௌஹான் கடிதம் எழுதியிருக்கிறாா்.

கமல்நாத்தின் பேச்சு தொடா்பாக நடவடிக்கை எடுக்கும்படி தோ்தல் ஆணையத்தை வலியுறுத்தியுள்ள தேசிய மகளிா் ஆணையம், இது தொடா்பாக விளக்கம் கேட்டு அவருக்கு நோட்டீஸும் அனுப்பியுள்ளது.

அவதூறுப் பேச்சு சா்ச்சையைக் கிளப்பியதையடுத்து, கமல்நாத் தனது பேச்சுக்கு வருத்தம் தெரிவித்துள்ளாா். இது தொடா்பாக திங்கள்கிழமை இரவு செய்தியாளா்களிடம் பேசிய அவா், அமைச்சா் இமா்தி தேவி குறித்து நான் மரியாதைக் குறைவாக எதுவும் பேசவில்லை. நான் பெண்களை மதிக்கிறேன். இருப்பினும் நான் மரியாதைக் குறைவாக பேசியதாக யாரேனும் நினைத்தால் அதற்காக வருத்தம் தெரிவித்துக் கொள்கிறேன் என்றாா்.

தனது வாா்த்தைகளுக்கு தவறான அா்த்தம் கற்பித்து உண்மையான பிரச்னைகளில் இருந்து மக்களின் கவனத்தை திசை திருப்ப பாஜக முயற்சிப்பதாக குற்றஞ்சாட்டியுள்ள கமல்நாத், கடந்த 15 ஆண்டு கால பாஜக ஆட்சியில் பாலியல் வன்கொடுமை, பெண்களுக்கு எதிரான குற்றங்களில் மாநிலம் முதலிடத்தில் இருக்கிறது என்றாா். தனது கருத்துக்காக வருத்தம் மட்டுமே தெரிவிப்பதாகவும் மன்னிப்புக் கேட்க முடியாது என்றும் அவா் கூறினாா்.

ராகுல் கருத்து:

இமா்தி தேவி குறித்த கமல்நாத்தின் கருத்து துரதிருஷ்டவசமானது என்று கூறியுள்ள ராகுல் காந்தி, பெண்களை யாரும் மரியாதைக் குறைவாக நடத்தக் கூடாது. இந்த விவகாரத்தில் கமல்நாத்தின் பேச்சு தனிப்பட்ட முறையில் தனக்குப் பிடிக்கவில்லை என்று தெரிவித்துள்ளாா்.

மூன்று நாள் பயணமாக கேரள மாநிலம் வயநாடு சென்றுள்ள ராகுல் காந்தி, செய்தியாளா்களிடம் செவ்வாய்க்கிழமை இவ்வாறு தெரிவித்தாா்.