Enable Javscript for better performance
பரிசோதனையே செய்து கொள்ளாத 15 பேருக்கு கரோனா உறுதி செய்யப்பட்டது எப்படி?- Dinamani

சுடச்சுட

    

    பரிசோதனையே செய்து கொள்ளாத 15 பேருக்கு கரோனா உறுதி செய்யப்பட்டது எப்படி?

    By ENS  |   Published on : 17th September 2020 12:25 PM  |   அ+அ அ-   |    |  

    15 villagers who didn't give swab samples test positive for COVID-19 in Madhya Pradesh

    பரிசோதனையே செய்து கொள்ளாத 15 பேருக்கு கரோனா உறுதி செய்யப்பட்டது எப்படி?


    போபால்: மத்தியப் பிரதேச மாநிலம் தார் மாவட்டத்தில் உள்ள கிராமத்தில், பரிசோதனையே செய்து கொள்ளாத 15 பேருக்கு கரோனா உறுதி செய்யப்பட்டதாகக் கூறப்படும் விவகாரத்தில் விசாரணைக்கு உத்தரவிடப்பட்டுள்ளது.

    தார் மாவட்டம் நிசர்புர் பகுதியல் உள்ள தானா கிராமத்தில், கிராம மக்களுக்கு கரோனா பரிசோதனை மேற்கொள்ளச் சென்ற இரண்டு ஒப்பந்த ஊழியர்கள் பணியில் இருந்து நீக்கப்பட்டுள்ளனர்.

    செப்டம்பர் 8-ம் தேதி தானா கிராமத்துக்குச் சென்ற இரண்டு ஊழியர்கள், கிராமத்தில் இருந்த நான்கு பேரிடம் சளி மற்றும் உமிழ்நீர் மாதிரிகளை எடுத்துள்ளனர்.

    மற்றவர்கள் கரோனா பரிசோதனை செய்து கொள்ள முன்வரவில்லை மற்றும் சிலர் பரிசோதனைக்கு பயந்து கிராமத்தில் இருந்து வெளியேறிவிட்ட நிலையில், சுமார் 19 பேரிடம் மாதிரிகளை பெற்றுக் கொண்டு வந்ததாகக் கூறி ஆய்வுக் கூடத்தில் கொடுத்துள்ளனர். அந்த 19 பேரில் 17 பேருக்கு கரோனா இருப்பது உறுதி செய்யப்பட்டது.அந்த கிராமத்தில் கரோனா பரிசோதனைக்கு சளி மாதிரிகளை கொடுத்த நான்கு பேரில் இரண்டு பேருக்கு கரோனா இருப்பது உறுதி செய்யப்பட்டது. அதே வேளை பரிசோதனையே செய்து கொள்ளாத அந்த கிராமத்தைச் சேர்ந்த மேலும் 15 பேருக்கு கரோனா இருப்பதாக ஆய்வு முடிவுகள் தெரிவித்துள்ளன.

    இது பற்றி ஹர்ஜித் முஜால்டே என்பவர் கூறுகையில், கரோனா பரிசோதனை செய்து கொள்ளாமலேயே தொற்று உறுதி செய்யப்பட்ட 15 பேரில் நானும் ஒருவர். பரிசோதனைக்கு வரும் போது நான் கிராமத்திலேயே இல்லை. பிறகு எப்படி எனக்கு கரோனா உறுதி செய்ய முடியும்? என்று கேள்வி எழுப்பியுள்ளார்.

    இது குறித்து தார் மாவட்ட ஆட்சியருக்கு தகவல் தெரிவிக்கப்பட்டு, ஒப்பந்த ஊழியர்கள் பணிநீக்கம் செய்யப்பட்டனர். கரோனா பரிசோதனையில் காணப்படும் மெத்தனப் போக்குக் குறித்து விசாரணைக்கு உத்தரவிடப்பட்டுள்ளது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp