முதல்வா் எடியூரப்பாவுக்கு இரண்டாவது முறையாக கரோனா பாதிப்பு ஏற்பட்டுள்ளது. இதைத் தொடா்ந்து, அவா் மருத்துவமனையில் அனுமதிக்கப்பட்டு சிகிச்சை பெற்று வருகிறாா்.
கடந்த ஆண்டு கா்நாடகத்தில் கரோனா வேகமாகப் பரவி வந்தபோது 78 வயதாகும் முதல்வா் எடியூரப்பா கரோனா பெருந்தொற்று பாதிக்கப்பட்டாா். 9 நாள்கள் மணிப்பால் மருத்துவமனையில் சிகிச்சை பெற்று, வீடு திரும்பினாா்.
கடந்த இரண்டு வாரங்களாக இடைத்தோ்தல் நடக்கும் மஸ்கி, பசவகல்யாண் சட்டப் பேரவைத் தொகுதிகள், பெலகாவி மக்களவைத் தொகுதிகளிலும் முதல்வா் எடியூரப்பா சுற்றுப்பயணம் மேற்கொண்டு பாஜக வேட்பாளா்களை ஆதரித்து பிரசாரம் செய்து வந்தாா். இடைத்தோ்தலுக்கான பிரசாரம் ஓய்ந்த வியாழக்கிழமை பெலகாவி மக்களவைத் தொகுதியில் சுற்றுப்பயணம் மேற்கொண்டிருந்த முதல்வா் எடியூரப்பா, அத்தொகுதியில் பாஜக வேட்பாளராகப் போட்டியிடும் மங்களாவை ஆதரித்து வீதி வீதியாக வேனில் சென்று வாக்கு சேகரித்தாா். அப்போது கொஞ்சம் உடல் சோா்வு ஏற்பட்டதைத் தொடா்ந்து, அவா் பிரசாரத்தை பாதியிலேயே முடித்துக்கொண்டு பெங்களூரு திரும்பினாா்.
முதல்வா் எடியூரப்பாவுக்கு கடந்த ஏப்.12-ஆம் தேதியே காய்ச்சல் இருந்ததாகக் கூறப்படுகிறது. ஆனாலும், மாத்திரையை எடுத்துக்கொண்டு தனது அலுவல்களைக் கவனித்து வந்துள்ளாா்.
தோ்தல் பிரசாரத்துக்காக பெலகாவி மக்களவைத் தொகுதிக்குச் செல்வதற்கு முன்பாக, முதல்வா் எடியூரப்பா செய்துகொண்ட பரிசோதனையில் அவருக்கு கரோனா பாதிப்பில்லை என்று தெரியவந்தது. இதைத் தொடா்ந்து, பெலகாவி மக்களவைத் தொகுதிக்குச் சென்று தோ்தல் பிரசாரத்தில் ஈடுபட்டாா்.
இதனிடையே, பெங்களூரில் வெள்ளிக்கிழமை காலை 9.30 மணிக்கு நடந்த கரோனா தொடா்பான ஆலோசனைக் கூட்டத்தில் முதல்வா் எடியூரப்பா கலந்துகொண்டு, ஊடகங்களுக்கும் பேட்டி அளித்தாா். அதன்பிறகும் காய்ச்சலும், உடல் சோா்வும் இருந்ததால் உடனடியாக எம்.எல்.ராமையா மருத்துவமனையில் சிகிச்சைக்காக அனுமதிக்கப்பட்டாா்.
அங்கு அவருக்கு பல்வேறு மருத்துவ சோதனைகள் செய்யப்பட்டன. இதில் முதல்வா் எடியூரப்பாவுக்கு கரோனா பாதிப்பு இருப்பது உறுதிசெய்யப்பட்டது. 8 மாதங்களில் முதல்வா் எடியூரப்பா கரோனாவால் பாதிக்கப்படுவது இது இரண்டாவது முறையாகும். இதனையடுத்து, முதல்வா் எடியூரப்பா தீவிர சிகிச்சைக்காக மணிப்பால் மருத்துவமனைக்கு அழைத்துச் செல்லப்பட்டு, அங்கு அனுமதிக்கப்பட்டாா். மருத்துவக் குழுவினரின் கண்காணிப்பில் அவருக்கு சிகிச்சை அளிக்கப்பட்டு வருகிறது.
கடந்த மாா்ச் 12-ஆம் தேதி விக்டோரியா மருத்துவமனையில் முதல்வா் எடியூரப்பா கோவேக்ஸின் முதல் தவணை தடுப்பூசியைச் செலுத்திக் கொண்டாா். இரண்டாவது தவணை தடுப்பூசியை செலுத்திக்கொள்ள திட்டமிட்டிருந்த நிலையில், அவருக்கு கரோனா பாதிப்பு ஏற்பட்டுள்ளது.
இதுதொடா்பாக முதல்வா் அலுவலகம் வெளியிட்டுள்ள அறிக்கையில், ‘காய்ச்சலால் அவதிப்பட்டு வந்த முதல்வா் எடியூரப்பா, பொதுவான உடல் சோதனைக்காக எம்.எஸ்.ராமையா மருத்துவமனைக்குச் சென்றிருந்தாா். அங்கு நடத்தப்பட்ட சோதனையில் அவருக்கு கரோனா பாதிப்பு காணப்படுவது உறுதியானது. அதன்பிறகு மணிப்பால் மருத்துவமனைக்கு அழைத்துச் செல்லப்பட்டு, அங்கு சிகிச்சை பெற்று வருகிறாா்’ என்று கூறப்பட்டிருந்தது.
இதனிடையே, முதல்வா் எடியூரப்பா தனது சுட்டுரையில், ‘லேசான காய்ச்சல் இருந்ததால், சோதனை செய்து பாா்த்த போது கரோனா இருப்பது உறுதியானது. எனது உடல்நிலை சீராக இருந்தாலும், மருத்துவா்களின் ஆலோசனையின்பேரில் மருத்துவமனையில் அனுமதிக்கப்பட்டுள்ளேன்’ என்று குறிப்பிட்டுள்ளாா்.
மணிப்பால் மருத்துவமனையில் சிகிச்சை பெற்று வரும் முதல்வா் எடியூரப்பாவின் உடல்நிலை சீராக உள்ளதாக மருத்துவா்கள் தெரிவித்தனா்.
கரோனாவால்பாதிக்கப்பட்டு சிகிச்சை பெற்றுவரும் முதல்வா் எடியூரப்பா விரைவில் குணமடைய பிராா்த்தனை செய்வதாக எதிா்க்கட்சித் தலைவா் சித்தராமையா, மஜத முன்னாள் முதல்வா் எச்.டி.குமாரசாமி, அமைச்சரவை சகாக்கள் உள்ளிட்ட பலா் வாழ்த்துத் தெரிவித்து சுட்டுரையில் தகவல் வெளியிட்டுள்ளனா்.