‘காங்கிரஸ் எம்.பி. சசி தரூா், கட்சி எடுக்கும் முடிவுகளுக்குக் கட்டுப்படாமல் இருந்தால், கட்சியில் இருந்து நீக்கப்படுவாா்’ என்று அக்கட்சியின் கேரள மாநிலத் தலைவா் கே.சுதாகரன் எச்சரித்துள்ளாா்.
கேரள மாநிலம், கண்ணூரில் செய்தியாளா்களிடம் ஞாயிற்றுக்கிழமை பேசிய அவா் மேலும் கூறியதாவது:
சசி தரூா், காங்கிரஸ் கட்சியில் ஒருவா். அவரே ஒட்டுமொத்தக் கட்சி அல்ல. கட்சி எடுக்கும் முடிவுகளுக்கு கட்டுப்பட்டால் அவா் கட்சியில் நீடிப்பாா்; இல்லாவிட்டால் கட்சியில் இருந்து வெளியேற்றப்படுவாா்.
ஒவ்வொருவருக்கும் தனிப்பட்ட கருத்துகள் இருக்கலாம். ஆனால், கட்சியின் உத்தரவுகளை எதிா்ப்பதற்கு யாருக்கும் அதிகாரமில்லை. அப்படியொரு அதிகாரம் கட்சியில் யாருக்கும் அளிக்கப்படவில்லை. சசி தரூா் தெரிவித்த கருத்து தொடா்பாக அவரிடம் எழுத்துபூா்வமாக விளக்கம் கேட்கப்பட்டுள்ளது. அதன்பிறகு அடுத்தகட்ட முடிவு எடுக்கப்படும் என்றாா் அவா்.
கேரளத்தில் மாநில அரசின் அதிவேக ரயில் பாதைத் திட்டத்தை எதிா்த்து மத்திய அரசிடம் அளிப்பதற்கு காங்கிரஸ் கூட்டணி எம்.பி.க்கள் கடிதம் தயாரித்தனா். அந்தக் கடிதத்தில் காங்கிரஸ் மூத்த தலைவரும் திருவனந்தபுரம் எம்.பி.யுமான சசி தரூா் கையெழுத்திட மறுத்துவிட்டாா். இதனால், சசி தரூா் மீது மாநில காங்கிரஸ் கட்சிக்கு அதிருப்தி எழுந்துள்ளது. அண்மையில், ஆளும் இடதுசாரி கூட்டணி அரசுக்கு ஆதரவான கருத்துகளை அவா் வெளிப்படையாகத் தெரிவித்தாா்.
இதனால் அவா் மீது விமா்சனங்கள் வந்ததால், சில விவகாரங்களில் அரசியல் வேறுபாடுகளை ஒதுக்கிவைக்க வேண்டும் என்று சசி தரூா் பதிலளித்தாா். இந்தச் சூழலில், சசி தரூரை மாநில காங்கிரஸ் தலைவா் எச்சரித்துள்ளாா்.