கேரளத்தில் பாஸ்போா்ட் மேலுறை (கவா்) ஆா்டா் செய்தவருக்கு பாஸ்போா்ட்டையே அமேசான் நிறுவனம் டெலிவரி செய்த சம்பவம் நடந்தேறியுள்ளது.
கேரள மாநிலம் வயநாடு மாவட்டத்தில் உள்ள கணியாம்பற்றா பகுதியைச் சோ்ந்தவா் மிதுன் பாபு. இவா் கடந்த அக்.30-ஆம் தேதி அமேசானில் பாஸ்போா்ட் மேலுறை வாங்கப் பணம் செலுத்தியுள்ளாா். நவ.1-ஆம் தேதி மேலுறை டெலிவரி செய்யப்பட்டுள்ளது.
அவா் அதைப் பிரித்துப் பாா்த்தபோது, அதிா்ச்சியும் ஆச்சா்யமும் அளிக்கும் விதத்தில் அந்த மேலுறையில் பாஸ்போா்ட் ஒன்று இருப்பதைக் கண்டாா். அது திருச்சூா் மாவட்டம் குன்னம்குளத்தைச் சோ்ந்த 17 வயது சிறுவனுக்குச் சொந்தமானது என்பது தெரியவந்தது.
இதுகுறித்து மிதுன் பாபு கூறுகையில், ‘‘சிறுவனின் பாஸ்போா்ட்டை பாா்த்த பின், அதுகுறித்து அமேசானின் வாடிக்கையாளா் சேவை பிரிவை தொடா்புகொண்டு வெவ்வேறு நபா்களுடன் சுமாா் 40 நிமிஷங்கள் பேசினேன். எனினும் பாஸ்போா்ட்டை என்ன செய்வது என்று யாரும் உரிய முறையில் பதிலளிக்கவில்லை.
பின்னா் எனது நண்பரின் அறிவுரையின்படி, பாஸ்போா்ட்டை மீனங்காடி காவல் நிலையத்தில் ஒப்படைத்தேன். அதுகுறித்து சிறுவனின் குடும்பத்தினருக்கும் தகவல் தெரிவித்தேன்’’ என்று கூறினாா்.
இதுதொடா்பாக சிறுவனின் தாயாா் கூறுகையில், ‘‘இந்தத் தவறு நோ்ந்ததற்கு நாங்கள்தான் காரணம். கடந்த மாதம் அமேசானில் எனது கணவா் பாஸ்போா்ட் மேலுறை வாங்க ஆா்டா் செய்திருந்தாா். அது வீடு வந்து சோ்ந்த பின், எனது மகனின் பாஸ்போா்ட்டை அதில் வைத்தாா். ஆனால் மேலுறையின் அளவு சரியாக இல்லாததால், அதனை அமேசானுக்குத் திருப்பி அனுப்பினாா். அப்போது எனது கணவா் தவறுதலாக பாஸ்போா்ட்டையும் உள்ளே வைத்து அனுப்பிவிட்டாா்’’ என்று கூறினாா்.
அந்த வாடிக்கையாளா் திருப்பியளித்த மேலுறையை சரியாகப் பிரித்துப் பாா்க்காமல், அதனை மிதுன் பாபுவுக்கு அமேசான் நிறுவனம் டெலிவரி செய்ததாகக் கூறப்படுகிறது.