கொல்கத்தா: மேற்கு வங்கத்தில் 2-ஆம் கட்டத் தோ்தல் நடைபெறவுள்ள சூழலில், திரிணமூல் காங்கிரஸும், பாஜகவும் தோ்தல் ஆணையத்தில் பரஸ்பரம் புகாா் தெரிவித்துள்ளன.
மேற்கு வங்கத்தில் 2-ஆம் கட்டத் தோ்தல் வியாழக்கிழமை நடைபெறுகிறது. மாநில முதல்வா் மம்தா பானா்ஜி போட்டியிடும் நந்திகிராம் தொகுதியிலும் வியாழக்கிழமை வாக்குப் பதிவு நடைபெறுகிறது. இந்நிலையில், மூன்றாம் கட்டத் தோ்தல் நடைபெறவுள்ள பகுதிகளில் மம்தா பானா்ஜி புதன்கிழமை பிரசாரத்தில் ஈடுபட்டாா். முன்னதாக, செய்தியாளா்களிடம் அவா் கூறுகையில், ‘‘மற்ற மாநிலங்களைச் சோ்ந்த குண்டா்கள் நந்திகிராமுக்குள் புகுந்து வாக்காளா்களை மிரட்டி வருகின்றனா்.
பலராம்பூா் உள்ளிட்ட பல்வேறு கிராமங்களிலும் குண்டா்கள் புகுந்துவிட்டனா். அவா்கள் வாக்காளா்களை அச்சுறுத்தி வருகின்றனா். இது தொடா்பாக தோ்தல் ஆணையத்திடம் புகாா் அளிக்கப்பட்டுள்ளது. ஆணையம் உரிய நடவடிக்கை எடுக்க வேண்டும்’’ என்றாா்.
மம்தாவின் கருத்து தொடா்பாக பாஜக மூத்த தலைவா் ஜெய்பிரகாஷ் மஜும்தாா் கூறுகையில், ‘இந்த விவகாரத்தில் தோ்தல் ஆணையம் உரிய முடிவெடுக்கும். ஆனால், தோ்தலில் தோல்வியடையப் போவதைத் தெரிந்துகொண்டே இதுபோன்ற குற்றச்சாட்டுகளை முன்கூட்டியே முதல்வா் முன்வைக்கிறாா்’ என்றாா்.
பாஜக புகாா்: பாஜக தொண்டா்களை மாநில முதல்வா் மம்தா பானா்ஜி மிரட்டி வருவதாக தோ்தல் ஆணையத்தில் அக்கட்சி புகாரளித்துள்ளது.
இது தொடா்பாக, தோ்தல் ஆணையத்துக்கு பாஜக அனுப்பியுள்ள கடிதத்தில், ‘நந்திகிராமில் கடந்த 29-ஆம் தேதி நடைபெற்ற பொதுக்கூட்டத்தின்போது, ‘மத்திய துணை ராணுவப் படையினா் சில நாள்களில் மாநிலத்தைவிட்டுச் சென்றுவிடுவா். ஆனால், நான் இங்கேயேதான் இருப்பேன். அப்போது, என் எதிரிகளைக் காப்பாற்ற யாா் இருப்பாா்கள்’ என மம்தா கூறினாா்.
மாநில முதல்வரின் இந்தப் பேச்சு, பாஜகவினரை அச்சுறுத்துவதாக உள்ளது. மேலும், தோ்தல் சுதந்திரமாக நடைபெறுவதைத் தடுக்கும் நோக்கிலும் உள்ளது. கடந்த சில நாள்களாக வன்முறை நடவடிக்கைகளும் அதிகரித்துள்ளன. இது தொடா்பாக தோ்தல் ஆணையம் நடவடிக்கை எடுக்க வேண்டும்’ என்று குறிப்பிடப்பட்டுள்ளது.