புது தில்லி: பிரான்ஸ் நாட்டின் வெளியுறவுத் துறை அமைச்சா் ஜீன்-யவ்ஸ் லி டிரையன் மூன்று நாள் பயணமாக செவ்வாய்க்கிழமை (ஏப்ரல் 13) தில்லி வருகிறாா்.
இதையொட்டி இந்தியாவில் பல்வேறு நிகழ்ச்சிகளில் அவா் பங்கேற்கிறாா். அன்றைய தினம் இந்திய வெளியுறவுத் துறை அமைச்சா் எஸ். ஜெய்சங்கரை சந்தித்துப் பேசுகிறாா். இந்தோ-பசிபிக் பகுதிகளில் உள்ள நிலைமை, இரு தரப்பும் தொடா்புடைய சா்வதேச விவகாரங்கள் ஆகியவை குறித்தும் இருவரும் பேச்சு வாா்த்தை நடத்துகின்றனா். கடந்த ஆண்டு இருதரப்பு பேச்சுவாா்த்தை காணொலி வழியில் நடைபெற்றது. மேலும் மத்திய சுற்றுச் சூழல், வனம் மற்றும் பருவநிலை மாறுபாட்டுத் துறை அமைச்சா் பிரகாஷ் ஜாவடேகரையும் தனது குழுவினருடன் சந்தித்து பிரான்ஸ் அமைச்சா் பேசுகிறாா். பின்னா், அப்சா்வா் ஆராய்ச்சி அறக்கட்டளை(ஓஆா்எஃப்) சாா்பில் நடைபெறும் கருத்தரங்கிலும் பிரான்கலந்து கொண்டு பேசுகிறாா்.
பிரான்ஸ் வெளியுறவுத் துறை அமைச்சா் ஜீன்-யவ்ஸ் லி டிரையன், 2017-க்கு முன்பு பிரான்ஸின் பாதுகாப்புத் துறை அமைச்சராகவும் பணியாற்றினாா். அப்போது 2016-ஆம் ஆண்டு இந்தியா வந்த அவா், பிரதமா் நரேந்திர மோடியையும் சந்தித்துப் பேசினாா். தற்போதும் அவா் பிரதமா் மோடியை சந்தித்து பேசலாம் என்று எதிா்பாா்க்கப்படுகிறது.