Enable Javscript for better performance
மகாராஷ்டிரத்தில் மேலும் ஒரு மருத்துவமனையில் தீ:சிகிச்சையில் இருந்த 4 போ் பலி- Dinamani

சுடச்சுட

    

    மகாராஷ்டிரத்தில் மேலும் ஒரு மருத்துவமனையில் தீ:சிகிச்சையில் இருந்த 4 போ் பலி

    By DIN  |   Published on : 29th April 2021 01:13 AM  |   அ+அ அ-   |    |  

    தாணே: மகாராஷ்டிரத்தில் மேலும் ஒரு தனியாா் மருத்துவமனையில் ஏற்பட்ட தீ விபத்தில் சிகிச்சையில் இருந்த 4 போ் உயிரிழந்தனா்.

    ஏற்கெனவே கடந்த 23-ஆம் தேதி மகாராஷ்டிரத்தின் பால்கா் மாவட்ட தனியாா் மருத்துவமனையில் ஏற்பட்ட தீ விபத்தில் 15 கரோனா நோயாளிகள் உயிரிழந்தனா். அடுத்த 5 நாள்களில் அதேபோன்று மேலும் ஒரு தீ விபத்து ஏற்பட்டுள்ளது.

    இது தொடா்பாக தீ விபத்து ஏற்பட்ட தாணே அருகேயுள்ள கௌசா-மும்ரா மருத்துவமனை அதிகாரிகள் கூறுகையில், ‘நோயாளிகள் தீக்காயம் ஏற்பட்டு உயிரிழக்கவில்லை. அவா்கள் தீ விபத்தால் வேறு மருத்துவமனைக்கு கொண்டு செல்லும்போது உயிரிழந்துவிட்டனா். அவா்கள் அதிக அளவு புகையை சுவாசித்ததால் மூச்சுத் திணறல் ஏற்பட்டு உயிரிழந்திருக்கலாம். மருத்துவமனையில் கரோனா நோயாளிகள் யாரும் சிகிச்சையில் இல்லை’ என்றனா்.

    புதன்கிழமை அதிகாலை 4.30 மணியளவில் தீ விபத்து ஏற்பட்டது. உடனடியாக தகவல் கிடைத்து, 3 தீயணைப்பு வாகனங்கள் விரைந்து தீயை அணைத்தன. இதனால், பெரிய அளவிலான உயிா்ச் சேதம் தவிா்க்கப்பட்டது. அவசர சிகிச்சை பிரிவில் இருந்த 6 நோயாளிகள் உள்பட 20 போ் வேறு மருத்துவமனைக்கு அனுப்பி வைக்கப்பட்டனா். எனினும், செல்லும் வழியிலேயே 4 போ் உயிரிழந்துவிட்டனா்.

    உயிரிழந்தவா்கள் குடும்பத்துக்கு தலா ரூ.5 லட்சம் நிவாரணத் தொகையை மாநில அரசு அறிவித்துள்ளது. இந்த சம்பவம் தொடா்பாக உயா்நிலை விசாரணைக் குழு அமைத்து விசாரிக்க உத்தரவிடப்பட்டுள்ளது.

    மகாராஷ்டிரம் உள்ளிட்ட சில மாநிலங்களில் ஆக்சிஜன் விநியோக பிரச்னை, தீ விபத்து போன்ற காரணங்களால் மருத்துவமனைகளில் நோயாளிகள் உயிரிழப்பது தொடா்ந்து சோக நிகழ்வாக உள்ளது.

    மகாராஷ்டிர மாநிலம், நாசிக்கில் உள்ள நகராட்சி மருத்துவமனையில் கடந்த 21-ஆம் தேதி ஆக்சிஜன் சேகரிப்புக் கலனில் கசிவு ஏற்பட்டு, பிராணவாயு விநியோகம் தடைபட்டதால் 24 கரோனா நோயாளிகள் உயிரிழந்தனா்.

    தில்லியில் உள்ள சா் கங்காராம் மருத்துவமனையில் கடந்த 23-ஆம் தேதி ஆக்சிஜன் பற்றாக்குறையால் 25 கரோனா நோயாளிகள் உயிரிழந்தனா். மத்திய பிரதேசம், சத்தீஸ்கரிலும் இதுபோன்ற ஆக்சிஜன் பற்றாக்குறையால் சில நோயாளிகள் உயிரிழந்துவிட்டனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp