Enable Javscript for better performance
Ethic Parties Amali: Parliament which functioned only for 17% of the time: People's tax money was Rs- Dinamani

சுடச்சுட

    எதிா்க் கட்சிகள் அமளி: 17% நேரம் மட்டுமே செயல்பட்ட நாடாளுமன்றம்: மக்களின் வரிப் பணம் ரூ. 133 கோடி வீண்

    By DIN  |   Published on : 01st August 2021 06:00 AM  |   அ+அ அ-   |    |  

    Ethic Parties Amali: Parliament which functioned only for 17% of the time: People's tax money was Rs

    நாடாளுமன்ற மழைக்கால கூட்டத் தொடரில் எதிா்க் கட்சிகள் தொடா் அமளியில் ஈடுபட்டு வரும் காரணத்தால், மொத்தம் நடைபெற்றிருக்க வேண்டிய 107 மணி நேரத்தில் வெறும் 18 மணி நேரம் மட்டுமே கூட்டத்தொடா் நடைபெற்றிருப்பது தெரியவந்துள்ளது.

    இதன் காரணமாக, மக்களின் வரிப் பணம் ரூ. 133 கோடிக்கு மேல் வீணாகியிருப்பதாக மத்திய அரசு வட்டாரங்கள் சனிக்கிழமை தெரிவித்தன.

    நாடாளுமன்ற மழைக்கால கூட்டத் தொடா் கடந்த 19-ஆம் தேதி தொடங்கியது. கூட்டத் தொடரில் இஸ்ரேலின் பெகாஸஸ் உளவு மென்பொருள் மூலமாக இந்தியா்கள் உளவுப் பாா்க்கப்பட்ட விவகாரம், விவசாயிகள் போராட்டம் உள்ளிட்ட பிரச்னைகளை எழுப்பி காங்கிரஸ் உள்ளிட்ட எதிா்க் கட்சிகள் தொடா் அமளியில் ஈடுபட்டு நாடாளுமன்றத்தை முடக்கி வருகின்றன. எதிா்க் கட்சிகளின் கடும் அமளி காரணமாக நாடாளுமன்ற இரு அவை நடவடிக்கைகளும் பாதிக்கப்பட்டு, தொடா்ந்து ஒத்திவைக்கப்படுகின்றன.

    மழைக்கால கூட்டத்தொடா் ஆகஸ்ட் 13-ஆம் தேதி நிறைவடைய உள்ள நிலையில், இதுவரை நாடாளுமன்றம் மொத்த நேரத்தில் 17 சதவீத நேரம் மட்டுமே செயல்பட்டிருப்பது தெரியவந்துள்ளது. இதுகுறித்து மத்திய அரசு வட்டாரங்கள் சனிக்கிழமை கூறியதாவது:

    மழைக்கால கூட்டத்தொடா் கடந்த 19-ஆம் தேதி தொடங்கிய நிலையில், இதுவரை நாடாளுமன்றத்தின் இரு அவைகளும் செயல்பட்டிருக்க வேண்டிய 89 மணி நேரம் வீணடிக்கப்பட்டுள்ளது. இதில் மாநிலங்களவை மொத்தம் செயல்பட்டிருக்கவேண்டிய நேரத்தில் 21 சதவீத நேரம் மட்டுமே நடைபெற்றுள்ளது. அதுபோல, மக்களவை 13 சதவீத நேரம் மட்டுமே செயல்பட்டுள்ளது.

    அதாவது, 53 மணி நேரம் செயல்பட்டிருக்கவேண்டிய மாநிலங்களவை 11 மணி நேரமும், 54 மணி நேரம் செயல்பட்டிருக்க வேண்டிய மக்களவை 7 மணி நேரம் மட்டுமே செயல்பட்டுள்ளன. ஒட்டுமொத்தமாக, 107 மணி நேரம் செயல்பட்டிருக்க வேண்டிய நாடாளுமன்றம் 18 மணி நேரம் மட்டுமே செயல்பட்டுள்ளது.

    நாடாளுமன்றம் முழுமையாக செயல்படாத காரணத்தால், மக்களின் வரிப் பணம் ரூ. 133 கோடிக்கும் மேல் வீணடிக்கப்பட்டுள்ளது என்று தெரிவித்தனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp