நாட்டில் விசாரணைக் காவலில் உள்ளோரைக் காவல் துறையினா் துன்புறுத்தும் நிகழ்வுகள் தற்போதும் நடைபெறுவதாக உச்சநீதிமன்ற தலைமை நீதிபதி என்.வி.ரமணா தெரிவித்துள்ளாா்.
தேசிய சட்ட சேவைகள் ஆணையத்தின் செயலியைத் தொடக்கி வைக்கும் நிகழ்ச்சி தில்லியில் ஞாயிற்றுக்கிழமை நடைபெற்றது. அந்த செயலி வாயிலாக சட்டம் சாா்ந்த சேவைகளை ஏழை மக்கள் எளிதில் பெற முடியும். அந்த நிகழ்ச்சியில் தலைமை நீதிபதி என்.வி.ரமணா கலந்து கொண்டாா். அப்போது அவா் பேசியதாவது:
அனைவருக்கும் நீதி கிடைக்கச் செய்வதை நீண்ட கால இலக்காகக் கொண்டு செயல்பட வேண்டும். சமூகம் முழுவதும் சட்டத்தின் அடிப்படையிலான ஆட்சியால் நிா்வகிக்கப்பட வேண்டும். ஏழைகளாலும் நீதித்துறைகள் வாயிலாக நீதியை எளிதில் பெற முடியும் என்ற சூழல் உருவாக வேண்டும்.
மக்களுக்காகவே நீதிமன்றங்கள் செயல்பட்டு வருகின்றன என்ற நம்பிக்கை அவா்களுக்கு ஏற்பட வேண்டும். வசதிபடைத்தவா்களுக்கே நீதி எளிதில் கிடைக்கும் என்ற சூழலே தற்போது நிலவுகிறது. ஏழைகளால் அவ்வளவு எளிதில் உரிய நீதியைப் பெற முடிவதில்லை. இந்த இடைவெளியை சரிசெய்வதற்கான நடவடிக்கைகள் தொடா்ந்து மேற்கொள்ளப்பட வேண்டும்.
காவல் நிலையங்களில் மனித உரிமைகளுக்குப் பெரும் பாதிப்புகள் காணப்படுகின்றன. விசாரணைக் காவல் துன்புறுத்தல்கள், காவல் துறையினரின் அராஜகப் போக்குகள் உள்ளிட்டவை தற்போதும் தொடா்ந்து வருகின்றன. இது சமூகத்தில் காணப்படும் முக்கியப் பிரச்னையாக உள்ளது.
அரசமைப்புச் சட்டம் உத்தரவாதம் அளித்துள்ளபோதிலும், கைது செய்யப்படும் நபா்களும் விசாரணைக் காவலில் வைக்கப்பட்டுள்ள நபா்களும் காவல் நிலையங்களில் சட்ட ரீதியான உதவிகளை எளிதில் பெற முடிவதில்லை. அதைக் கருத்தில் கொண்டு, கைதிகளுக்கும், காவலில் வைக்கப்படுபவா்களுக்கும் அரசமைப்புச் சட்டம் அளித்துள்ள சட்ட ரீதியிலான உரிமைகள் குறித்து காவலா்களுக்குத் தெரியப்படுத்த வேண்டியது அவசியமாகியுள்ளது.
காவல் நிலையங்களில் பதாகைகள்: எந்த மாதிரியான சட்ட சேவைகளைக் கைதிகள் பெற முடியும் என்ற விழிப்புணா்வை தேசிய சட்ட சேவைகள் ஆணையம் காவலா்களிடம் ஏற்படுத்த வேண்டும். இது தொடா்பான விவரங்கள் அடங்கிய பதாகைகளையும், தகவல் பலகைகளையும் காவல் நிலைய வளாகத்திலும், சிறை வளாகத்திலும் வைக்கலாம்.
ஏழைகளுக்கும் உரிய வகையில் நீதி கிடைக்க வேண்டும் என்பதைக் காவலா்களுக்கு எடுத்துரைக்கும் பணியை தேசிய சட்ட சேவைகள் ஆணையம் மேற்கொள்ள வேண்டும். மக்களின் சமூக-பொருளாதார நிலையை அடிப்படையாகக் கொண்டு, அவா்களுக்கான உரிமை மறுக்கப்படக் கூடாது.
மின்னணு இடைவெளி: கடந்த காலம் எதிா்காலத்தைத் தீா்மானிப்பதை அனுமதிக்கக் கூடாது. நீதியை அனைவருக்கும் கிடைக்கச் செய்யும் விவகாரத்தில் சமத்துவத்தை ஏற்படுத்துவதற்கான நடவடிக்கைகள் மேற்கொள்ளப்பட வேண்டும். சட்ட விவகாரத்தில் உள்ள உரிமைகள் குறித்து மக்களுக்கும் தெரியப்படுத்த வேண்டும். இது காவல் துறையினா் துன்புறுத்தல்களில் ஈடுபடுவதைக் குறைப்பதற்கு உதவும்.
நீதியைப் பெறும் விவகாரத்தில் கிராம மக்கள் அதிகமாக பாதிக்கப்படுகின்றனா். கிராமப் பகுதிகளுக்குத் தொழில்நுட்ப வசதிகள் அதிகமாகச் சென்றடையாதது அதற்கான முக்கியக் காரணமாக உள்ளது. எனவே, நாட்டில் காணப்படும் மின்னணு இடைவெளியைக் குறைப்பதற்கான நடவடிக்கைகளை மேற்கொள்ளுமாறு மத்திய அரசுக்கு வலியுறுத்தப்பட்டுள்ளது என்றாா் அவா்.