பாஜக மூத்த தலைவரும் உத்தர பிரதேச முன்னாள் முதல்வருமான கல்யாண் சிங் உடலுக்கு பிரதமா் நரேந்திர மோடி ஞாயிற்றுக்கிழமை நேரில் அஞ்சலி செலுத்தினாா். அப்போது, ‘சாமானிய மக்களின் நம்பிக்கையின் அடையாளமாகத் திகழ்ந்தவா் கல்யாண் சிங்’ என்று புகழாரம் சூட்டினாா்.
கல்யாண் சிங்குக்கு உடல் நலக்குறைவு ஏற்பட்டதால், லக்னெளவில் உள்ள சஞ்சய் காந்தி முதுநிலை மருத்துவக் கல்லூரி அரசு மருத்துவமனையில் கடந்த ஜூலை 4-ஆம் தேதி அனுமதிக்கப்பட்டாா். தீவிர சிகிச்சைப் பிரிவில் சிகிச்சை இருந்த அவா், சனிக்கிழமை இரவு உயிரிழந்தாா்.
அவருடைய மறைவுக்கு குடியரசுத் தலைவா் ராம்நாத் கோவிந்த், குடியரசு துணைத் தலைவா் வெங்கையா நாயுடு, பிரதமா் மோடி, பாஜக மூத்த தலைவா்கள் உள்ளிட்டோா் இரங்கல் தெரிவித்தனா்.
தில்லியில் இருந்து லக்னௌ நகருக்கு ஞாயிற்றுக்கிழமை வந்த பிரதமா் மோடி, கல்யாண் சிங் வீட்டில் அவருடைய உடலுக்கு மலா் மலா் வளையம் வைத்து அஞ்சலி செலுத்தினாா். அவருடன் பாஜக தேசியத் தலைவா் ஜெ.பி.நட்டா, உத்தர பிரதேச ஆளுநா் ஆனந்திபென் படேல், முதல்வா் யோகி ஆதித்யநாத், துணை முதல்வா்கள் கேசவ பிரசாத் மௌா்யா, தினேஷ் சா்மா உள்ளிட்டோா் வந்திருந்தனா். அப்போது மோடி கூறியதாவது:
ஒரு திறமையான, மதிப்புமிக்க தலைவரை தேசம் இழந்துவிட்டது. அவரால் ஏற்பட்டுள்ள வெற்றிடத்தை நிரப்புவதற்கு நாம் மிகக் கடுமையாக உழைக்க வேண்டும். அவா் தனது ஒட்டு மொத்த வாழ்க்கையையும் மக்களின் நலனுக்காக வாழ்ந்தவா்.
மக்களின் நலனை தாரக மந்திரமாகக் கொண்டு, நாட்டின் வளமான எதிா்காலத்துக்காகவும் கொள்கைக்காகவும் பாஜகவுக்கும் ஜனசங்க குடும்பத்துக்கும் தன்னை அா்ப்பணித்தவா் கல்யாண் சிங். எந்தப் பதவியை வகித்தாலும் தனது பொறுப்புகளைத் திறம்பட நிறைவேற்றி, மற்றவா்களுக்கு ஊக்கம் அளித்து வந்தவா். இதனால் மக்களின் நம்பிக்கையின் அடையாளமாக கல்யாண் சிங் திகழ்ந்தாா்.
பகவான் ஸ்ரீராமா் தனது காலடியில் கல்யாண் சிங்குக்கு இடமளிக்க வேண்டும் என்று பிராா்த்திக்கிறேன்; கல்யாண் சிங்கை இழந்து வாடும் அவா்களின் குடும்பத்தினருக்கு வலிமையைத் தர வேண்டும் என்றும் வேண்டிக் கொள்கிறேன் என்றாா் பிரதமா் மோடி.
மறைந்த கல்யாண் சிங்கின் இறுதிச் சடங்குகள் திங்கள்கிழமை நடைபெறவுள்ளன.
ராஜ்நாத் சிங் அஞ்சலி: பாதுகாப்புத் துறை அமைச்சா் ராஜ்நாத் சிங்கும், கல்யாண் சிங்கின் உடலுக்கு மலா் வளையம் வைத்து நேரில் அஞ்சலி செலுத்தினாா். அப்போது ராஜ்நாத் சிங் கூறியதாவது:
கல்யாண் சிங்கை சந்திக்கும்போது அவரிடம், நாங்கள் முன்னாள் முதல்வா்கள், நீங்கள் அபூா்வமான முதல்வா் என்று கூறுவோம். அதை ரசித்து அவா் சிரிப்பாா். அவரை எனது மூத்த சகோதரராகப் பாா்த்து வந்தேன் என்றாா் அவா்.
அத்வானி இரங்கல்: இந்திய அரசியலில் உறுதியானவராகவும் அடித்தட்டு மக்களின் தலைவராகவும் விளங்கியவா் கல்யாண் சிங் என்று பாஜக மூத்த தலைவா் எல்.கே.அத்வானி கூறினாா்.
கல்யாண் சிங் மறைவு குறித்து அவா் வெளியிட்ட இரங்கல் செய்தியில் கூறியிருப்பதாவது:
ராமஜென்ம பூமி இயக்க காலத்தில் அவருடன் இருந்த பல சம்பவங்களை நினைவுகூர முடியும். அயோத்தியில் ராம் கோயில் கட்டப்பட வேண்டும் என்பதில் அவா் காட்டிய முனைப்பும் ஊக்கமும் பாஜகவுக்கு மட்டுமல்லாது நாட்டு மக்கள் அனைவருக்கும் வலிமையைக் கொடுத்தது. அவருடைய கனவு மெய்ப்பட இருப்பதை இந்தியா்கள் காணப் போகிறாா்கள். கல்யாண் சிங்கின் மறைவு மிகப்பெரிய வெற்றிடத்தை விட்டுச் சென்றுள்ளது. தன்னலம் கருதாத அவருடைய நற்பண்பு பல தலைமுறை இந்தியா்களுக்கு ஊக்கம் கொடுக்கும் என்று குறிப்பிட்டுள்ளாா்.
தமிழக ஆளுநா் இரங்கல்:
தமிழக ஆளுநா் பன்வாரிலால் புரோஹித் விடுத்த இரங்கல் செய்தியில் குறிப்பிட்டிருப்பதாவது: கல்யாண் சிங்கின் மறைவு மிகுந்த வேதனை அளிக்கிறது. மிகச் சிறந்த தலைவராகவும் ஆட்சியாளராகவும், மனிதராகவும் வாழ்ந்தவா் அவா். பொது வாழ்வில் அவா் ஆற்றிய அரும்பணிகளையும் உத்தர பிரதேசத்தின் வளா்ச்சிக்கு அவா் நல்கிய பங்களிப்பையும் இந்த தேசம் என்றென்றும் நினைவுகூரும்.
கல்யாண் சிங்கின் மறைவு உத்தர பிரதேச மக்களுக்கும் பாஜகவினருக்கும் ஈடு செய்ய இயலாத இழப்பு.
அவரைப் பிரிந்து வாடும் குடும்பத்தினருக்கு ஆழ்ந்த இரங்கல். கல்யாண் சிங்கின் ஆன்மா சாந்தியடைய பிராா்த்திக்கிறேன் என ஆளுநா் பன்வாரிலால் புரோஹித் குறிப்பிட்டுள்ளாா்.
ராஜஸ்தான், உத்தரகண்டில் துக்கம் அனுசரிப்பு: ராஜஸ்தான் ஆளுநராக கல்யாண் சிங் பதவி வகித்துள்ளாா். இதனால், அவருடைய மறைவை ஒட்டி, ஆகஸ்ட் 22, 23 ஆகிய இரு தினங்களுக்கு துக்கம் அனுசரிக்கப்படும் என்று அந்த மாநில அரசு தெரிவித்துள்ளது.
இதேபோல், உத்தரகண்ட் அரசும் கல்யாண் சிங் மறைவை ஒட்டி ஞாயிற்றுக்கிழமை ஒருநாள் துக்கம் அனுசரிக்கப்படும் என்று அறிவித்திருந்தது.