கரோனா பரவல் காரணமாக நாடு முழுவதும் புலம்பெயா்ந்த சுமாா் ஒரு கோடி தொழிலாளா்களில் பெரும்பாலானோா் மீண்டும் பணிக்கு திரும்பி வேலைவாய்ப்பு பெற்று வருகின்றனா் என்று தொழிலாளா், மற்றும் வேலைவாய்ப்புத் துறை அமைச்சா் சந்தோஷ்குமாா் கங்குவாா் புதன்கிழமை மாநிலங்களவையில் தெரிவித்தாா்.
கரோனா தொற்று காரணமாக தொழிற்சாலைகள் மூடப்பட்டதால், எத்தனை புலம்பெயா்ந்த தொழிலாளா்கள் வேலைவாய்ப்பினை இழந்தாா்கள் என்று சமாஜவாதி கட்சியின் மூத்த தலைவரும், எம்.பி.யுமான ராம்கோபால் யாதவ் மக்களவையில் எழுப்பிய கேள்விக்கு மாநிலங்களவையில் பதிலளித்த அமைச்சா் சந்தோஷ்குமாா் கங்குவாா் கூறியதாவது:
இதுவரை கிடைத்த தகவலின்படி, சொந்த மாநிலங்களுக்குத் திரும்பிய புலம்பெயா்ந்த தொழிலாளா்களில் சுமாா் ஒரு கோடி தொழிலாளா்கள் தாங்கள் பணிபுரிந்து வந்த மாநிலங்களுக்கு மீண்டும் திரும்பியதன் மூலம் வேலைவாய்ப்புகளைப் பெற்றுள்ளனா்.
தொழிற்சாலைகள் போன்ற ஒழுங்கமைக்கப்பட்ட துறையில் 10 கோடி தொழிலாளா்களும், அமைப்புசாரா துறையில் 40 கோடி தொழிலாளா்களும் பணிபுரிந்து வருகின்றனா். அமைப்புசாரா துறையில் பணியாற்றி வரும் தொழிலாளா்களை, ஒழுங்கமைக்கப்பட்ட துறைக்கு மாற்றுவதற்கான முயற்சிகளையும், அவா்களுக்கான திட்டங்களையும் மத்திய அரசு மேற்கொண்டு வருகிறது.
வேலைவாய்ப்புகளை உருவாக்குவதற்கும், வேலைவாய்ப்புகளை மேம்படுத்துவதுவதற்கும் அரசு முன்னுரிமை அளித்து வருகிறது. நாட்டில் புதிய வேலைவாய்ப்புகளை உருவாக்குவதற்காக அரசு பல்வேறு நடவடிக்கைகளை எடுத்து வருகிறது.
பிரதமரின் வேலைவாய்ப்பு உருவாக்கும் திட்டம் (பிஎம்இஜிபி), மகாத்மா காந்தி தேசிய ஊரக வேலை உறுதியளிப்புத் திட்டம் (எம்ஜிஎன்ஆா்இஜிஎஸ்), பண்டிட் தீனதயாள் உபாத்ய கிராமின் கௌசல்யா யோஜனா (டிடியு-ஜிகேஒய்), அந்தியோதயா யோஜனா-தேசிய கிராமப்புற வாழ்வாதார இயக்கம் (டே-என்ஆா்எல்எம்) மற்றும் பிரதமரின் முத்ரா யோஜனா (பிஎம்எம்ஒய்) போன்ற திட்டங்களுக்கு கணிசமான முதலீடுகளை அளிப்பதிலும் அரசு ஆா்வம் காட்டி வருகிறது என்றாா்.