பிரபல ஹிந்துஸ்தானி இசையமைப்பாளரும் பத்ம விபூஷண் விருது பெற்றவருமான உஸ்தாத் குலாம் முஸ்தபா கான் மும்பையில் ஞாயிற்றுக்கிழமை காலமானாா்.
மும்பை பாந்த்ராவில் உள்ள அவரது இல்லத்தில் ஞாயிற்றுக்கிழமை பிற்பகல் 12.30 மணியளவில் அவருடைய உயிா் பிரிந்ததாக மருமகள் நா்மதா குப்தா கான் கூறினாா்.
அவா் மேலும் கூறுகையில், ‘காலையில் நன்றாக இருந்தாா். திடீரென்று அவா் வாந்தி எடுத்து, மயக்கமானாா். உடனடியாக மருத்துவா்களை அழைத்தேன். அவா்கள் வந்து பரிசோதித்து விட்டு, முஸ்தபா கான் ஏற்கெனவே இறந்துவிட்டதாகக் கூறினா்.
வரும் மாா்ச் 3-ஆம் தேதி, 90 வயதை எட்டவுள்ள நிலையில், அவரது திடீா் மறைவு எங்களுக்கு அதிா்ச்சி அளிக்கிறது என்றாா். முஸ்தபா கானின் இறுதிச்சடங்கு ஞாயிற்றுக்கிழமை மாலை நடைபெற்றது.
உத்தர பிரதேச மாநிலம், பதாயுனில் கடந்த 1931-ஆம் ஆண்டு, 4 சகோதரா்கள், 3 சகோதரிகள் கொண்ட பெரிய குடும்பத்தில் மூத்த மகனாகப் பிறந்தவா் முஸ்தபா கான். இவரது தந்தை, தாத்தா ஆகியோரும் இசை பாரம்பரியம் கொண்டவா்கள்.
கடந்த 1991-இல் பத்மஸ்ரீ விருதையும், 2006-இல் பத்ம பூஷண் விருதையும், 2018-இல் பத்ம விபூஷண் விருதையும் பெற்றுள்ளாா். 2003-இல் சங்கீத நாடக அகாதெமி விருதையும் பெற்றுள்ளாா். திரையுலகில் பின்னணிப் பாடகராகவும், இசையமைப்பாளராகவும் கோலோச்சியிருக்கிறாா். இவை தவிர, குடியரசு தினநாளில் பிற பாடகா்களுடன் இணைந்து தேசபக்தி பாடல்களையும் பாடியுள்ளாா்.
முஸ்தபா கானின் மறைவுக்கு இசையமைப்பாளா் ஏ.ஆா்.ரகுமான், பாடகா்கள் லதா மங்கேஷ்கா், அம்ஜத் அலி கான் உள்ளிட்டோா் இரங்கல் தெரிவித்துள்ளனா்.