பெட்ரோல், டீசல் போன்ற எரிபொருள்களின் விலை நாள்தோறும் அதிகரித்து வரும் நிலையில், மத்தியப் பிரதேசத்தில் ஒரு லிட்டர் பெட்ரோல் ரூ.93.59-க்கு விற்பனை செய்யப்படுகிறது.
சா்வதேச சந்தையில் கச்சா எண்ணெய் விலை நிலவரத்துக்கு ஏற்ப பெட்ரோல், டீசல் விலையை எண்ணெய் நிறுவனங்கள் மாற்றியமைத்து வருகின்றன.
கரோனா பாதிப்பு காரணமாக கடந்த சில நாள்களாக பெரிதும் மாற்றமின்றி காணப்பட்ட பெட்ரோல், டீசல் விலை தற்போது படிப்படியாக மாற்றியமைக்கப்பட்டு விலைப்பட்டியலில் உச்சத்தை எட்டி வருகிறது.
சென்னையில் ஒரு லிட்டா் பெட்ரோல் ரூ.87.11-க்கு சனிக்கிழமை விற்பனையாகிறது. இதே போல், டீசல் விலையும் ரூ.79.48-க்கு விற்பனை செய்யப்படுகிறது.
இந்நிலையில் அதிகபட்சமாக மத்தியப் பிரதேசத்தில் ஒரு லிட்டர் பெட்ரோல் 93 ரூபாய் 59 காசுகளுக்கு விற்பனை செய்யப்படுகிறது.
தேசிய தலைநகா் தில்லியில் டீசல் விலை வரலாறு காணாத அளவுக்கு அதிகரித்து ஒரு லிட்டர் ரூ.85.70-க்கும், டீசல் ஒரு லிட்டர் ரூ.75.88-க்கும் விற்பனை செய்யப்படுகிறது.
இதேபோன்று பெட்ரோல் விலை மும்பையில் ரூ.92.2-க்கும், டீசல் ஒரு லிட்டருக்கு ரூ.82.66-க்கும் விற்பனையாகிறது.