Enable Javscript for better performance
BJP District President caught on camera consuming liquor in Bihar- Dinamani

சுடச்சுட

    மதுவிலக்கு அமலிலுள்ள பிகாரில் மது விருந்து வைத்த பாஜக தலைவர்.. அதுவும் கட்சி அலுவலகத்திலேயே!

    By DIN  |   Published on : 19th July 2021 06:48 PM  |   அ+அ அ-   |    |  

    BJP District President caught on camera consuming liquor in Bihar


    மது விலக்கு அமலிலுள்ள பிகாரில் பாஜக தலைவர் ஒருவர் மது அருந்தும் விடியோ சமூக ஊடகங்களில் வைரலாகப் பரவி வருகிறது.

    ஜன்ஜார்பூர் பாஜக மாவட்டத் தலைவர் சியாராம் ஷா. இவர் கட்சி அலுவலகத்தில் மது விருந்து நடத்தியுள்ளார். சமூக ஊடகங்களில் வைரலாகும் இந்த மது விருந்து விடியோவில் சியாராம் ஷா பின்னணியில் ஓடும் ஒரு இசையுடன் கையில் மதுவுடன் சிகரெட் பிடிக்கும் காட்சிகள் இடம்பெற்றுள்ளன. அவருக்கு முன் உள்ள மேசையில் சிப்ஸ் பாக்கெட்டுகளும் இடம்பெற்றிருந்தன. அவருடன் மேலும் இரண்டு பேர் விடியோவில் வருகின்றனர். ஆனால், அவர்களது முகம் அடையாளம் காணமுடியவில்லை.

    ஐஏஎன்எஸ் செய்தி நிறுவனம் செய்தியை வெளியிட்டபோதிலும், இதுதொடர்பாக வைரலாகும் விடியோ மற்றும் புகைப்படங்களின் நம்பகத்தன்மையை உறுதி செய்யவில்லை.

    ஆனால், இதுகுறித்து சியாராம் ஷாவைத் தொடர்புகொண்டபோது அவர் கூறியது:

    "இந்த விடியோ உண்மைத்தன்மையற்றது. எனக்கு எதிராக யாரோ சதித் திட்டம் தீட்டியிருக்கிறார்கள். விடியோ எடிட் செய்யப்பட்டுள்ளது. என்னை அவமானப்படுத்த யாரோ என்னுடைய முகத்தை விடியோவில் இணைத்துள்ளனர்" என்றார்.

    ஜன்ஜார்பூர் காவல் நிலைய அதிகாரி சந்திரமணி தெரிவித்தது:

    "இந்த விடியோ எங்களுக்குக் கிடைத்தது. அதன் நம்பகத்தன்மையை உறுதி செய்ய ஆய்வகத்துக்கு அனுப்பியுள்ளோம். இந்த வழக்கு விசாரணையில் உள்ளது. விசாரணையின் அடிப்படையில் நடவடிக்கை மேற்கொள்ளப்படும். விடியோவில் அடையாளம் காண முடியாத நபர்களின் முகத்தைக் கண்டறியவும் நாங்கள் முயற்சித்து வருகிறோம்."

    பிகாரில் பாஜகவின் முழு ஆதரவுடன் மதுவிலக்கு அமல்படுத்தப்பட்டுள்ளது சாதனை முடிவு என முதல்வர் நிதிஷ் குமார் கோருகிறார். ஆனால், அதே பிகாரில் பாஜக மாவட்டத் தலைவரே விடியோவில் மது அருந்தியுள்ளது சட்டத்தை நகைப்புக்குள்ளாக்கும் வகையில் உள்ளதாக விமரிசனங்கள் எழுந்துள்ளன.


    TAGS
    liquor ban

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp