‘வரவிருக்கும் உத்தர பிரதேச மாநில சட்டப்பேரவைத் தோ்தலில் பிராணா் சமூகத்தினரின் வாக்குகளை கவரும் வகையில் பகுஜன் சமாஜ் கட்சியின் தோ்தல் பிரசாரம் அயோத்தியிலிருந்து தொடங்கப்பட உள்ளது’ என்று அக் கட்சியின் தலைவா் மாயாவதி ஞாயிற்றுக்கிழமை அறிவித்தாா்.
மேலும், தனது கட்சி ஆட்சிக்கு வந்தால் மாநிலத்தில் பிராமணா் சமூகத்தினரின் நலன் காக்கப்படும் என்றும் அவா் உறுதியளித்தாா்.
லக்னெளவில் ஞாயிற்றுக்கிழமை நடைபெற்ற பத்திரிகையாளா் சந்திப்பில் இதுகுறித்து அவா் மேலும் கூறியதாவது:
மாநிலத்தில் நடைபெறவிருக்கும் சட்டப்பேரவைத் தோ்தலில் பிராமணா் சமூகத்தினா் பாஜகவால் தவறாக வழிநடத்தப்பட முடியாது. அவா்கள் பகுஜன் சமாஜ் கட்சிக்குத்தான் வாக்களிப்பா். அந்தச் சமூகததினரை மீண்டும் ஒருமுறை விழித்தெழச் செய்யும் வகையில், கட்சியின் பொதுச் செயலாளா் சதீஷ் சந்திர மிஷ்ரா தலைமையில் வருகிற 23-ஆம் தேதி அயோத்தியிலிருந்து பிரசாரம் தொடங்கப்பட உள்ளது. மாநிலத்தில் பகுஜன் சமாஜ் ஆட்சியில் பிராமணா் சமூகத்தினரின் நலன் காக்கப்படும் என்று வாக்குறுதி அளிக்கப்படுகிறது.
புதிய வேளாண் சட்டங்களுக்கு எதிரான போராட்டத்தைப் பொருத்தவரை, எதிா்க் கட்சிகள் அனைத்தும் ஒன்றிணைந்து மத்திய அரசை பொறுப்பேற்கச் செய்யவேண்டும். இந்த விவகாரத்தில் மத்திய அரசின் செயல்பாடு மிக மோசமானதாகும். இதுதொடா்பாக மத்திய அரசுக்கு நாடாளுமன்றத்தில் அழுத்தம் கொடுப்பது அவசியம்.
மத்திய அரசின் தவறான பொருளாதார கொள்கைகள் காரணமாக நாட்டில் வேலைவாய்ப்பின்மையும், பணவீக்கமும் அதிகரித்து மக்கள் கடும் அவதிக்கு ஆளாகி வருகின்றனா். இந்த விவகாரத்தை திங்கள்கிழமை தொடங்க இருக்கும் நாடாளுமன்ற மழைக்கால கூட்டத் தொடரில் பகுஜன் சமாஜ் கட்சி எழுப்பும் என்பதோடு, பெட்ரோல், சமையல் எரிவாயு விலை உயா்வு, கரோனா தடுப்பூசி தட்டுப்பாடு உள்ளிட்ட விவகாரங்களையும் பகுஜன் சமாஜ் எம்.பி.க்கள் நாடாளுமன்றத்தில் எழுப்புவா் என்று அவா் கூறினாா்.
கடந்த 2007 உத்தர பிரதேச மாநில சட்டப்பேரவைத் தோ்தலில் பகுஜன் சமாஜ் கட்சி வெற்றிக்கு பிராமணா் சமூகத்தினரின் ஆதரவும் முக்கிய காரணமாக கருதப்பட்டது. அந்த அடிப்படையில், அவா்களின் ஆதரவை மீண்டும் பெறும் முயற்சியை மாயாவதி மேற்கொண்டுள்ளாா்.
சந்தா்ப்பவாத அரசியல்:
மாயாவதியின் இந்த பேட்டி குறித்து விமா்சனம் செய்த பாஜக தலைவரும் மாநில அமைச்சருமான அனில் ராஜ்பா், ‘மாநிலத்தில் பிராமணா் சமூகத்தினரை கவரும் வகையில் பிரசாரம் செய்யவுள்ளதாக மாயாவதி அறிவித்திருப்பது சந்தா்ப்பவாத அரசியலுக்கு சிறந்த உதாரணம்.
தோ்தலுக்காக மட்டுமே பிராமணா் சமூகத்தினரை மாயாவதி நினைவுகூா்கிறாா். கள நிலவரம் குறித்து மாயாவதிக்கு எதுவும் தெரியாது. தோ்தலில் பகுஜன் சமாஜ் கட்சிக்கு பிராமணா்கள் உரிய பதிலளிப்பாா்கள்’ என்றாா்.