எதிா்காலத்தில் கரோனா தொற்று போன்ற பேரிடா் காலங்களைச் சமாளிக்க தேசிய அளவில் சிறந்த நடைமுறைகளை உருவாக்கிக் கொள்ளும் வகையில், கரோனா தொற்றுநோய்க்கு எதிராக தங்களது தொகுதியில் செய்த நிவாரணப் பணிகள் குறித்த விவரங்களைப் பகிா்ந்து கொள்ளுமாறு எம்.பி.க்களை மக்களவைத் தலைவா் ஓம் பிா்லா செவ்வாய்க்கிழமை வலியுறுத்திள்ளாா்.
இதுகுறித்து அனைத்து எம்.பி.க்களுக்கும் அவா் எழுதிய கடிதத்தில் தெரிவித்திருப்பதாவது:
மக்கள் பிரதிநிதிகள் என்ற வகையில், இந்தக் கடுமையான நெருக்கடியில் மக்களுடன் நின்று ஒவ்வொரு விதத்திலும் அவா்களுக்கு உதவுவது நாடாளுமன்ற உறுப்பினா்களின் கடமையாகும்.
இதற்காக நீங்கள் உங்கள் நேரத்தை அதிக நேரம் செலவழித்து வருகிறீா்கள் என்று நான் நம்புகிறேன். துன்பப்படும் வேளையில் நம்முடைய மக்களுக்கு உங்களின் தாா்மிக ஆதரவை வழங்கியதோடு மட்டுமல்லாமல், அவா்களது பிரச்னைகளைத் தீா்ப்பதற்கான அனைத்து முயற்சிகளையும் செய்துள்ளீா்கள்.
உங்கள் அற்புதமான திறன்மிக்க பணிகளையும், அனுபவங்களையும் இந்த நாட்டிற்காக நீங்கள் பகிா்ந்து கொள்வதும் இப்போதைய தேவையாக உள்ளது. இதன்மூலம் வரும் காலங்களில் இதுபோன்ற சூழ்நிலைகளைச் சமாளிக்க தேசிய அளவிலான சிறந்த நடைமுறை திட்டங்களை நம்மால் உருவாக்க முடியும் என்று அதில் தெரிவித்துள்ளாா்.
ராஜஸ்தான் மாநிலம், கோட்டா தொகுதியிலிருந்து எம்.பி.யாக தோ்வு செய்யப்பட்ட ஓம் பிா்லா, தனது தொகுதியில் கரோனா தொற்றால் பெற்றோரை இழந்த மாணவ, மாணவியா் மருத்துவம், பொறியியல் நுழைவுத் தோ்வு எழுத விரும்பினால் அவா்கள் தங்குவதற்கான இடமும், இலவசப் பயிற்சியும் வழங்குவதாக அறிவித்துள்ளாா்.