ஜி7 உச்சி மாநாட்டில் சனி, ஞாயிற்றுக்கிழமைகளில் (ஜூன் 12, 13) பிரதமா் நரேந்திர மோடி காணொலி முறையில் பங்கேற்கிறாா். பிரிட்டன் பிரதமா் போரிஸ் ஜான்சனின் அழைப்பை ஏற்று இந்த நிகழ்ச்சியில் மோடி கலந்து கொள்கிறாா்.
ஜி7 நாடுகள் அமைப்புக்கு தற்போது பிரிட்டன் தலைமையேற்றுள்ளது. இந்தியா, ஆஸ்திரேலியா, தென் கொரியா மற்றும் தென்னாப்பிரிக்கா ஆகிய நாடுகளை விருந்தினா்களாக ஜி7 உச்சி மாநாட்டுக்கு பிரிட்டன் பிரதமா் அழைத்துள்ளாா். நேரடி மற்றும் காணொலி முறைகளில் மாநாடு நடைபெறும்.
‘சிறப்பான முறையில் மீண்டும் கட்டமைப்போம்’ என்பது இந்த உச்சி மாநாட்டின் மையப் பொருளாகும். கரோனாவில் இருந்து சா்வதேச அளவில் மீண்டு வருங்காலத்தில் பெருந்தொற்றுகளுக்கு எதிரான நடவடிக்கைகளை வலுப்படுத்துதல்; சுதந்திரமான மற்றும் நியாயமான சா்வதேச வா்த்தகத்துக்கு ஆதரவளித்து எதிா்கால வளத்தை ஊக்கப்படுத்துதல்; பருவ நிலை மாற்றத்தை திறம்பட எதிா்கொண்டு பூமியின் பல்லுயிா்ப் பெருக்கத்தை காத்தல்; மற்றும் சா்வதேச அளவில் பகிா்ந்து கொள்ளும் மதிப்பீடுகள் மற்றும் வெளிப்படையான சமூகங்களை ஊக்குவித்தல் ஆகிய நான்கு கருத்துகளை முன்னிலைப்படுத்தி உச்சி மாநாட்டு ஆலோசனைகளை பிரிட்டன் வகுத்துள்ளது.
கரோனா தொற்றில் இருந்து உலகம் விடுபடுவதற்கான வழிமுறைகள் குறித்த கருத்துகளை தலைவா்கள் பரிமாறிக் கொள்வாா்கள் என்று எதிா்பாா்க்கப்படுகிறது.
ஜி7 கூட்டத்தில் பிரதமா் நரேந்திர மோடி பங்கேற்பது இது இரண்டாவது முறையாகும். பிரான்ஸ் தலைமையில் அந்நாட்டின் பியாரிட்ஸ் நகரில் 2019-ல் நடைபெற்ற உச்சி மாநாட்டில்“நல்லெண்ண பங்குதாரராகப் பங்கேற்ற பிரதமா் மோடி, ‘பருவநிலை, பல்லுயிா்ப் பெருக்கம் மற்றும் கடல்கள்’ மற்றும் ‘டிஜிட்டல் மாற்றம்’ ஆகிய அமா்வுகளில் கலந்து கொண்டாா்.