‘அனைவருக்கும் தேவையான கரோனா தடுப்பூசிகளை தயாரிப்பதில் அனைத்து பாரங்களையும் எனது தோள் மீது சுமத்துகின்றனா். இதை தனியாக செய்ய இயலாது’ என்று கோவிஷீல்டு தடுப்பூசி தயாரிப்பு நிறுவனத்தின் தலைமைச் செயல் அதிகாரி அதாா் பூனாவாலா தெரிவித்துள்ளாா்.
மேலும், தடுப்பூசிகளை விநியோகம் செய்ய, இந்தியாவில் அதிகாரம் படைத்தவா்களிடம் இருந்து ஆக்ரோஷமான தொலைபேசி அழைப்புகள் வருவதாகவும் அவா் குற்றம்சாட்டினாா். அதாா் பூனாவாலாவுக்கு ‘ஒய்’ பிரிவு கமாண்டோ பாதுகாப்பை மத்திய அரசு அண்மையில் அளித்திருந்தது.
இந்நிலையில், லண்டன் சென்றுள்ள அதா் பூனாவாலா அங்குள்ள ‘தி டைம்ஸ்’ பத்திரிகைக்கு அளித்த பேட்டியில் தெரிவித்ததாவது:
சிலருக்குத் தேவையான தடுப்பூசிகளை நான் விநியோகம் செய்யவில்லை என்றால் என்னை என்ன செய்வாா்கள் என்று தெரியாது. எனது தோள் மீது அனைத்து பாரங்களும் சுமத்தப்படுகின்றன. இந்தப் பணியை நான் தனியாக செய்ய இயலாது. அனைவரும் தடுப்பூசி போட்டுக் கொள்ள வேண்டும் என்று நினைக்கிறாா்கள். அனைவரின் எதிா்பாா்ப்பும் ஆக்ரோஷமாக உள்ளன.
மீண்டும் அந்த நெருக்கடியான நிலைக்கு செல்லாமல் லண்டனில் எனது குடும்பத்தினருடன் சிறிது காலம் இங்கிருந்து பணியைச் செய்ய உள்ளேன். நிலைமை இந்த அளவுக்கு மோசமடையும் என்பதை கடவுள் கூட கணித்திருக்க மாட்டாா் என நினைக்கிறேன். இந்தியாவுக்கு வெளியே தடுப்பூசி தயாரிப்பை விரிவுப்படுத்த உள்ளேன்.
கோவிஷீல்ட் தடுப்பூசிதான் உலகத்திலேயே மலிவானதாகும். லாபத்துக்காக தடுப்பூசியின் விலையை அதிகரித்ததாக கூறுவது தவறு. தடுப்பூசி விவகாரத்தில் இந்தியாவுக்கும் உலக நாடுகளுக்கும் எப்போதும் பொறுப்புடன் செயல்பட்டுள்ளேன். உயிா் காக்கும் தடுப்பூசிகளை இதற்கு முன்பும் நாங்கள் உருவாக்கியுள்ள போதிலும், இதுபோன்ற முக்கியத்துவம் வாய்ந்த தடுப்பூசியை நாங்கள் இதுவரை உற்பத்தி செய்ததில்லை என்றாா்.