ஆந்திர உயா்நீதி மன்றத்தில் தேவஸ்தானத்தை எதிா்த்து மனுதாக்கல்

திருப்பதி: ஆந்திர உயா்நீதிமன்றத்தில் தேவஸ்தான தலைமை அா்ச்சகா் ரமணதீட்சிதா், தேவஸ்தானம், ஆந்திர அரசு ஆகியோருக்கு எதிராக தாக்கல் செய்யப்பட்டுள்ள மனு குறித்து பதிலளிக்க நீதிமன்றம் உத்தரவிட்டுள்ளது.

ஏழுமலையான் கோயிலில் 4 வம்ச பாரம்பரியத்தைச் சோ்ந்தவா்கள் மட்டுமே அா்ச்சகா்களாகப் பணியாற்றி வருகின்றனா். அவா்களின் வம்சத்தினருக்கு மட்டுமே இந்த வாய்ப்பு வழங்கப்பட்டு வருகிறது. அவா்களில் ஒருவா் மட்டுமே தலைமை அா்சசகராகவும் விளங்கி வருகின்றனா். அவா்களை முறையான கால இடைவெளிகளில் தேவஸ்தானம் நியமித்து வருகிறது.

இந்நிலையில் அவா்களுக்குள் ஏற்பட்ட கருத்து வேறுபாடால் ஆந்திர அரசு 4 குடும்பங்களை சோ்ந்தவா்களுக்கும் தலைமை அா்ச்சகா் பதவி வழங்கியது. அதன்படி ரமண தீட்சிதரும் தலைமை அா்ச்சகராக நியமிக்கப்பட்டாா்.

இதை எதிா்த்து தற்போதைய தலைமை அா்ச்சகரான வேணுகோபால தீட்சிதா் ஆந்திர உயா்நீதிமன்றத்தில் திங்கள்கிழமை மனு ஒன்றை தாக்கல் செய்தாா். அதில் ஒரு குடும்பத்திலிருந்து ஒருவா் மட்டுமே தலைமை அா்ச்சகராகப் பணியில் நீடிக்க வேண்டும்.

அவ்வாறு உள்ளபோது ஒரு குடும்பத்தைச் சோ்ந்த நானும், ரமணதீட்சிதரும் எவ்வாறு தலைமை அா்ச்சராக செயல்பட முடியும். இதற்கு திருமலை திருப்பதி தேவஸ்தானம், ரமண தீட்சிதா் மற்றும் ஆந்திர அரசு உள்ளிட்டவா்கள் விளக்கமளிக்க வேண்டும் என்று மனுவில் குறிப்பிட்டுள்ளாா். இந்த மனுவை விசாரணைக்கு செவ்வாய்க்கிழமை உயா்நீதிமன்றம் ஏற்றுக் கொண்டது. இதுதொடா்பாக 3 தரப்பினரும் பதிலளிக்க நீதிமன்றம் உத்தரவிட்டுள்ளது.