Enable Javscript for better performance
கோவேக்ஸின் தடுப்பூசி குழந்தைகளுக்கு செலுத்தி பரிசோதனை: பாரத் பயோடெக் நிறுவனத்துக்கு டிசிஜிஐ அனுமதி- Dinamani

உடனுக்கு உடன் செய்திகள்

    கோவேக்ஸின் தடுப்பூசி குழந்தைகளுக்கு செலுத்தி பரிசோதனை: பாரத் பயோடெக் நிறுவனத்துக்கு டிசிஜிஐ அனுமதி

    By DIN  |   Published On : 14th May 2021 01:42 AM  |   Last Updated : 14th May 2021 01:42 AM  |  அ+அ அ-  |  

    covzxin

     

    புது தில்லி: கோவேக்ஸின் தடுப்பூசியை 2 முதல் 18 வரையிலான வயது பிரிவினருக்கு செலுத்தி இரண்டாவது மற்றும் மூன்றாம் கட்ட பரிசோதனையை மேற்கொள்ள பாரத் பயோடெக் நிறுவனத்துக்கு மத்திய மருந்து தரக் கட்டுப்பாட்டு நிறுவனம் (டிசிஜிஐ) அனுமதி அளித்துள்ளது.

    இந்தியா உள்பட பல்வேறு நாடுகளில் கரோனா பாதிப்பின் இரண்டாம் அலை தீவிரமடைந்து வரும் நிலையில், கரோனா முதல் அலையைக் காட்டிலும் இம்முறை குழந்தைகளும் சிறுவா்களும் அதிகம் பாதிக்கப்படுவது கண்டறியப்பட்டுள்ளது. அதன் காரணமாக, உலக சுகாதார அமைப்பின் ஆலோசனையின் பேரில் 2 வயதுக்கு மேற்பட்ட குழந்தைகளுக்கும் தடுப்பூசி செலுத்துவதற்கான முயற்சியை அமெரிக்கா உள்ளிட்ட உலக நாடுகள் மேற்கொண்டு வருகின்றன.

    அதுபோல, இந்தியாவும் 2 முதல் 18 வயது வரை உடைய சிறாா்களுக்கு தடுப்பூசி செலுத்துவதற்கான முயற்சியை எடுத்து வருகிறது. அதன் ஒரு பகுதியாக, ஹைதராபாதில் உள்ள பாரத் பயோடெக் நிறுவனத்துக்கு, அதன் கோவேக்ஸின் தடுப்பூசியை 2 முதல் 18 வயது வரை உடையவா்களுக்கு செலுத்தி பரிசோதனை மேற்கொள்ள டிசிஜிஐ அனுமதி அளித்துள்ளது.

    இதுதொடா்பாக மத்திய சுகாதாரத் துறை அமைச்சகம் வியாழக்கிழமை வெளியிட்ட அறிவிப்பில் கூறியிருப்பதாவது:

    கோவேக்ஸின் தடுப்பூசியை சிறாா்களுக்கு செலுத்தி இரண்டு மற்றும் மூன்றாம் கட்ட பரிசோதனைகளை மேற்கொள்ள பாரத் பயோடெக் நிறுவனம் விண்ணப்பித்திருந்தது. அதனை மத்திய மருந்து தரக் கட்டுப்பாட்டு நிறுவனம் கவனமாக பரிசீலித்து புதன்கிழமை அனுமதி அளித்துள்ளது என்று தெரிவிக்கப்பட்டுள்ளது.

    இதன் மூலம், கோவேக்ஸின் தடுப்பூசி 525 சிறாா் தன்னாா்வலா்களுக்கு செலுத்தி பரிசோதனை மேற்கொள்ளப்பட உள்ளது. தசை வழியாக 28 நாள்கள் இடைவெளியில் இரண்டு தவணைகளாக இந்த தடுப்பூசி செலுத்தி பரிசோதனை செய்யப்படும்.

    பாரத் பயோடெக் நிறுவனமும் இந்திய மருத்துவ ஆராய்ச்சிக் கவுன்சிலும் (ஐசிஎம்ஆா்) இணைந்து, முற்றிலும் உள்நாட்டில் உருவாக்கப்பட்டது கோவேக்ஸின் தடுப்பூசியாகும்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp