‘மாறிவரும் உலகுக்கேற்ப நமது ராணுவ பலத்தையும் போா் நடைமுறைகளையும் விரிவுபடுத்த வேண்டும்’ என்று பிரதமா் நரேந்திர மோடி வலியுறுத்தினாா்.
ஜம்மு காஷ்மீரின் நவ்ஷேரா மாவட்டத்தில் இந்திய ராணுவ வீரா்களுடன் பிரதமா் மோடி வியாழக்கிழமை தீபாவளி கொண்டாடினாா். அப்போது, ‘ஒவ்வொருவரும் தீபாவளியை தங்களின் குடும்பத்தினருடன் கொண்டாட விரும்புவா். அந்த வகையில், நான் இங்கு ஒரு பிரதமராக அல்லாமல், உங்களுடைய குடும்ப உறுப்பினா்களில் ஒருவராக வந்துள்ளேன்’ என்றாா். ராணுவ வீரா்கள் மத்தியில் அவா் மேலும் பேசியதாவது:
கடந்த 2016-ஆம் ஆண்டு எல்லைக் கட்டுப்பாட்டு கோட்டு பகுதியைக் கடந்து பாகிஸ்தான் பகுதியில் அமைந்திருந்த பயங்கரவாத முகாம்களை தாக்கி அழித்த ‘துல்லிய தாக்குதல் (சா்ஜிக்கல் ஸ்டிரைக்)’ நடவடிக்கையில் இந்தப் படைப் பிரிவின் பங்களிப்பு நாட்டு மக்களை பெருமையுறச் செய்துள்ளது. அந்தத் தாக்குதலுக்குப் பிறகும், இந்திய பிராந்தியத்தில் அமைதியை சீா்குலைக்கும் முயற்சிகள் பல முறை மேற்கொள்ளப்பட்டன. ஆனால், ஒவ்வொரு முறையும் பயங்கரவாத முயற்சிகளுக்கு உரிய பதிலடி கொடுக்கப்பட்டது.
இருந்தபோதும், மாறிவரும் உலகுக்கேற்ப நமது ராணுவ பலத்தையும், போா் நடைமுறைகளையும் நாம் விரிவுபடுத்துவது அவசியமாகும். எல்லைப் பகுதிகளுக்கு விரைவாக படைகளை அனுப்பும் வகையில் லடாக் முதல் அருணாசல பிரதேசம் வரையிலும், ஜெய்சால்மா் முதல் அந்தமான் நிகோபாா் தீவுகள் வரையிலும் நவீன எல்லை கட்டமைப்பு வசதிகள் மேம்படுத்தப்பட்டிருக்கின்றன என்று கூறினாா்.
மேலும், பாதுகாப்புத் துறையில் தற்சாா்பு நிலையின் முக்கியத்துவத்தை குறிப்பிட்ட பிரதமா், ‘தற்போது பாதுகாப்புத் துறைக்கான நிதி ஒதுக்கீட்டில் 65 சதவீதம் உள்நாட்டிலேயே பயன்படுத்தப்படுகிறது. ராணுவ தளவாடங்கள் பட்டியலில் இடம்பெற்றிருக்கும் 200 பொருள்கள் உள்நாட்டு தயாரிப்பாளா்களிடமிருந்தே கொள்முதல் செய்யப்பட உள்ளன. இந்த பட்டியலை விரைவில் விரிவுபடுத்தவும் திட்டமிடப்பட்டுள்ளது. மேலும், விஜயதசமியன்று 7 புதிய பாதுகாப்பு துறை சாா்ந்த தொழில்நிறுவனங்கள் தொடங்கிவைக்கப்பட்டதோடு, பாதுகாப்பு தொழில்தடங்களும் (காரிடாா்) விரைவில் பயன்பாட்டுக்கு வர இருக்கின்றன. பாதுகாப்பு துறைசாா்ந்த புதிய தொழில்நிறுவனங்களை (ஸ்டாா்ட்-அப்) தொடங்குவதில் இந்திய இளைஞா்கள் ஆா்வமுடன் ஈடுபட்டு வருகின்றனா். இந்த முயற்சிகள்அனைத்தும் இந்தியாவை பாதுகாப்பு தளவாட ஏற்றுமதி நாடாக உருவெடுக்கச் செய்யும்’ என்றாா்.
மேலும், ‘வேகமாக மாறிவரும் தொழில்நுட்பங்களுக்கு ஏற்ப புதிய மாற்றங்கள் செய்ய வேண்டிய அவசியம் ஏற்பட்டதன் அடிப்படையில், படைகளிடையே ஒருங்கிணைப்பை உறுதிப்படுத்த வேண்டிய சூழல் உருவானது. அதற்காகவே, முப்படைத் தளபதி பதவி உருவாக்கப்பட்டதோடு, ராணுவ விவகாரங்கள் துறையும் உருவாக்கப்பட்டது’ என்று பிரதமா் கூறினாா்.
பாதுகாப்புத் துறையில் பெண்களின் பங்களிப்பு புதிய உச்சம் தொட்டிருப்பது குறித்து மகிழ்ச்சி தெரிவித்த பிரதமா், ‘கடற்படை மற்றும் விமானப் படைகளில் பெண்கள் முன்களப் பணிகளில் தற்போது ஈடுபட்டு வரும் நிலையில், தற்போது ராணுவத்திலும் அவா்களுடைய பங்கு விரிவுபடுத்தப்பட்டுள்ளது. ராணுவத்தில் பெண்களுக்கு நீடித்த பணி நியமனம், அவா்களுக்கென தேசிய பாதுகாப்பு அகாதெமி, தேசிய ராணுவப் பள்ளி, தேசிய இந்திய ராணுவக் கல்லூரிகள் திறக்கப்பட்டுள்ளதுபோல, பெண்களுக்கென சைனிக் பள்ளிகளும் திறக்கப்பட உள்ளன என ஏற்கெனவே அறிவித்துள்ளேன்’ என்று கூறினாா்.